୯୫% କଲେଜରେ ନାହିଁ ଅଗ୍ନି ନିରାପତ୍ତା ବ୍ୟବସ୍ଥା

କଲେଜ ଓ ବିଶ୍ୱବିଦ୍ୟାଳୟରେ ଅଗ୍ନି ନିରାପତ୍ତା ବ୍ୟବସ୍ଥା କଡ଼ାକଡ଼ି କରିବା ପାଇଁ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି । ଉଚ୍ଚ ଶିକ୍ଷାନୁଷ୍ଠାନ ଗୁଡ଼ିକରେ ଆବଶ୍ୟକ ଅଗ୍ନି ନିରାପତ୍ତା ବ୍ୟବସ୍ଥା ନଥିବା ନେଇ ଗୃହ ବିଭାଗ ଆପତ୍ତି ଉଠାଇବା ସହ କେଉଁ ବର୍ଗର କଲେଜ ସବୁ ସରକରାଙ୍କ ନିୟନ୍ତ୍ରଣରେ ରହିଛି ସେ ନେଇ ରିପୋର୍ଟ ମାଗିବା ପରେ ଗୁରୁବାର ଉଚ୍ଚଶିକ୍ଷା ବିଭାଗ ଏସବୁ କଲେଜର ସ୍ଥିତାବସ୍ଥା ସମ୍ପର୍କରେ ସୂଚନା ଦିଆଯାଇଥିବା ଜଣାପଡ଼ିଛି ।

ମିଳିଥିବା ସୂଚନା ଅନୁଯାୟୀ ଉଚ୍ଚ ଶିକ୍ଷାନୁଷ୍ଠାନ ଗୁଡ଼ିକରେ ଅଗ୍ନି ନିରାପତ୍ତା ବ୍ୟବସ୍ଥା କଡ଼ାକଡ଼ି ପାଳନ କରିବା ପାଇଁ ରାଜ୍ୟ ଗୃହ ବିଭାଗ ପକ୍ଷରୁ ଚଳିତବର୍ଷ ଅଗଷ୍ଟ ୨୯ ତାରିଖରେ  ଉଚ୍ଚଶିକ୍ଷା ବିଭାଗକୁ ନିର୍ଦ୍ଦେଶ ଦିଆଯାଇଥିଲା ଏହା ସହିତ କେଉଁ ବର୍ଗର କଲେଜ କେଉଁଠାରେ ରହିଛି ସେନେଇ ତଥ୍ୟ ଦେବାକୁ କୁହାଯାଇଛି । ଗୁରୁବାର ଉଚ୍ଚଶିକ୍ଷା ବିଭାଗ ଏନେଇ ତଥ୍ୟ ପ୍ରଦାନ କରି କହିଛି ଯେ, ରାଜ୍ୟରେ ଗୋଟିଏ ଜାତୀୟ ବିଶ୍ୱବିଦ୍ୟାଳୟ ସହିତ ୫ଟି ଘରୋଇ ଏବଂ ୧୨ଟି ରାଜ୍ୟ ବିଶ୍ୱବିଦ୍ୟାଳୟ ରହିଛି । ଏସବୁ ବ୍ୟତୀତ ୫୪ଟି ସରକାରୀ କଲେଜ, ୨୧୪ଟି ସହାୟତାପ୍ରାପ୍ତ କଲେଜ, ୧୯୯ଟି ବ୍ଲକଗ୍ରାଣ୍ଟ କଲେଜ ଅଣଅନୁଦାନପ୍ରାପ୍ତ କଲେଜ ଓ ୨୧୨ଟି ସେଲ୍ଫ ଫାଇନାନ୍ସିଂ କଲେଜ ରହିଛି । ଅନ୍ୟପକ୍ଷରେ ଏସବୁ କଲେଜ ମଧ୍ୟରୁ ପ୍ରାୟ ୯୫ ପ୍ରତିଶତ ଶିକ୍ଷାନୁଷ୍ଠାନରେ ଅଗ୍ନି ନିରାପତ୍ତା ବ୍ୟବସ୍ଥା ନଥିବା ଜଣାପଡ଼ିଛି । ଏହି ସବୁ କଲେଜ ଗୁଡ଼ିକରେ ତୁରନ୍ତ ଅଗ୍ନି ନିରାପତ୍ତା ବ୍ୟବସ୍ଥା  କରିବା ନିମନ୍ତେ ସରକାରଙ୍କ ପକ୍ଷରୁ ନୋଟିସ ଜାରି କରାଯିବ ବୋଲି ସୂଚନା ମିଳିଛି । ')}