ଆସିକା : ଆସିକା ବିଜେପି ବିଧାୟକଙ୍କ ବିରୋଧରେ ମେଳି ବାନ୍ଧିଲେ ସରପଞ୍ଚ । ବିଧାୟକ ସରୋଜ ପାଢ଼ୀଙ୍କ ମନ୍ତବ୍ୟକୁ ନେଇ ତେଜିଲା ଅସନ୍ତୋଷ । ବିଧାୟକଙ୍କ ବିରୋଧରେ ଧାରଣାର ଚେତାବନୀ ଦେଲା ସରପଞ୍ଚ ସଂଘ । ଆସିକା ବିଧାୟକ ସରୋଜ ପାଢୀ ଆସିକା ସରପଞ୍ଚଙ୍କ ବିରୋଧରେ ସଙ୍ଗୀନ ଅଭିଯୋଗ ଆଣିଥିଲେ। ଗତ ୨୪ ବର୍ଷର ସରକାର ସମୟରେ ଆସିକା ବିଧାନସଭା ନିର୍ବାଚନମଣ୍ଡଳିରେ ସମସ୍ତ ସରପଞ୍ଚ ଫଲ୍ସ ବିଲ୍ କରି ମାଲେମାଲ୍ ହୋଇଛନ୍ତି। ଯଦି ତଦନ୍ତ ହୁଏ ତେବେ ଶହେରୁ ଶହେ ସରପଞ୍ଚ ଜେଲ ଯିବେ ବୋଲି ସେ କହିଥିଲେ । ଏମାନଙ୍କ ବିରୋଧରେ ତଦନ୍ତ ହେବା ଆବଶ୍ୟକ ବୋଲି କହିବା ପରେ ତେଜିଥିଲା ଅସନ୍ତୋଷ। ବିଧାୟକଙ୍କ ମନ୍ତବ୍ଯକୁ କଡା ନିନ୍ଦା କରିବା କରିଥିଲା ସରପଞ୍ଚ ସଂଘ। ବିଧାୟକ ସରୋଜ ପାଢ଼ୀଙ୍କ ମନ୍ତବ୍ଯ ନେଇ ଧାରଣା ଦେବାର ଚେତାବନୀ ଦେଇଛି ସରପଞ୍ଚ ସଂଘ।
