ଟି ୨୦ ବିଶ୍ବକପ, ଆର୍ୟାଲାଣ୍ଡକୁ ୮ ୱିକେଟରେ ହରାଇଲା ଭାରତ

ନନ୍ଦିଘୋଷ ବ୍ୟୁରୋ: ଟି-ଟ୍ବେଣ୍ଟି ବିଶ୍ବକପରେ ଭାରତର ଦମଦାର ଆରମ୍ଭ । ବିଜୟରୁ ଅଭିଯାନ ଆରମ୍ଭ କଲା ଟିମ୍ ଇଣ୍ଡିଆ । ପ୍ରଥମ ମ୍ଯାଚରେ ଆୟର୍ଲାଣ୍ଡ ବିପକ୍ଷରେ ଏକପାଖିଆ ବିଜୟ ହାସଲ କରିଛି ରୋହିତ ବାହିନୀ । ଉଭୟ ବୋଲିଂ ଓ ବ୍ଯାଟିଂରେ କମାଲ କରିବା ସହ ୧୨.୨ ଓଭରରେ ମ୍ଯାଚ ଜିତିନେଇଛି ଭାରତ ।

ପ୍ରଥମେ ବ୍ଯାଟିଂ କରି ମାତ୍ର ୯୬ ରନରେ ଅଲଆଉଟ ହୋଇଯାଇଥିଲା ଆୟର୍ଲାଣ୍ଡ । ହାର୍ଦ୍ଦିକ ପାଣ୍ଡ୍ଯା ୩ଟି ୱିକେଟ ନେଇଥିବାବେଳେ ଅର୍ଶଦୀପ ଓ ବୁମରା ୨ଟି ଲେଖାଏଁ ୱିକେଟ ନେଇଛନ୍ତି । ୯୭ରନର ଲକ୍ଷ୍ଯ ନେଇ ପଡ଼ିଆକୁ ଓହ୍ଲାଇଥିଲା ଟିମ୍ ଇଣ୍ଡିଆ । ରୋହିତ ଶର୍ମା ୩୭ ରନରେ ୫୨ ରନ କରିଥିବାବେଳେ ରିଷଭ ପନ୍ଥ ୨୬ ବଲରେ ୩୬ ରନ କରିଥିଲେ । ଫଳରେ ୨ ୱିକେଟ ହରାଇ ୧୨.୨ ଓଭରରେ ଭାରତ ବିଜୟ ଲାଭ କରିଥିଲା ।