ଚାମ୍ପିୟନ୍ସ ଟ୍ରଫି ସେମିଫାଇନାଲରେ କେଉଁ ଟିମକୁ ସାମ୍ନା କରିବ ଟିମ୍ ଇଣ୍ଡିଆ?
1 min read
ଚଳିତ ଚାମ୍ପିୟନ୍ସ ଟ୍ରଫି ପାଇଁ ଗ୍ରୁପ-ଏ’ରେ ଭାରତ ଓ ନ୍ୟୁଜିଲାଣ୍ଡ ସେମିଫାଇନାଲ ପାଇଁ କ୍ବାଲିଫାଏ କରି ସାରିଛନ୍ତି । ଅନ୍ୟପକ୍ଷରେ ଗ୍ରୁପ-ବି’ରେ ଅଷ୍ଟ୍ରେଲିଆ ମଧ୍ୟ କ୍ବାଲିଫାଏ କରିଛି । ଆଜି ଇଂଲଣ୍ଡ ଓ ଦକ୍ଷିଣ ଆଫ୍ରିକା ମଧ୍ୟରେ ଖେଳାଯିବାକୁ ଥିବା ମ୍ୟାଚ ଚତୁର୍ଥ ସେମି କ୍ବାଲିଫାୟରକୁ ବାଛିବ । ଆସନ୍ତା ୪ ତାରିଖରେ ପ୍ରଥମ ସେମି ଓ ୫ରେ ଦ୍ବିତୀୟ ସେମି ଖେଳାଯିବ । ତା ପୂର୍ବରୁ ଆସନ୍ତାକାଲି ଭାରତ ନ୍ୟୁଜିଲାଣ୍ଡକୁ ଭେଟିବ । ତେବେ ଏଠାରେ ପ୍ରଶ୍ନ ଉଠୁଛି, ସେମିରେ କେଉଁ ଟିମକୁ ଭେଟିବ ଟିମ୍ ଇଣ୍ଡିଆ? ସେନଇ ଏବେ କିଛି ସ୍ପଷ୍ଟ ହୋଇ ନାହିଁ ।
ଏଥର ଚାମ୍ପିୟନ୍ସ ଟ୍ରଫିରେ ଗ୍ରୁପ-ଏ’ର ଟପ ଟିମ ସହ ଗ୍ରୁପ-ବି’ର ଦ୍ବିତୀୟ ସ୍ଥାନରେ ରହିଥିବା ଟିମ୍ ସହ ପ୍ରଥମ ସେମି ଖେଳାଯିବ । ସେହିପରି ଗ୍ରୁପ-ବି’ର ଟପ ଟିମ୍ ସହ ଗ୍ରୁପ-ଏ’ର ଦ୍ବିତୀୟ ସ୍ଥାନରେ ରହିଥିବା ଟିମ ସହ ଦ୍ବିତୀୟ ସେମି ଖେଳାଯିବ । ଭାରତ ଏବେ ଗ୍ରୁପ-ଏ’ରେ ଦ୍ବିତୀୟ ସ୍ଥାନରେ ରହିଥିବା ବେଳେ ଯଦି ନ୍ୟଜିଲାଣ୍ଡକୁ ହରାଇଦିଏ, ତେବେ ଟେବୁଲ ଟପକୁ ପହଞ୍ଚିଯିବ । ଗ୍ରୁପ-ବି’ରୁ ଦକ୍ଷିଣ ଆଫ୍ରିକା ଓ ଆଫଗାନିସ୍ତାନ ମଧ୍ୟରୁ ଗୋଟିଏ ଟିମ୍ ସେମିକୁ ଯିବ । ଆଫଗାନିସ୍ତାନ ସେମିରେ ପହଞ୍ଚିବାର ସମ୍ଭାବନା କମ୍ ରହିଛି । ଯଦି ଦକ୍ଷିଣ ଆଫ୍ରିକା ଇଂଲଣ୍ଡକୁ ହରାଇଦିଏ, ତେବେ ଦକ୍ଷିଣ ଆଫ୍ରିକା ଗ୍ରୁପ-ବି ଟପ୍ପର ହୋଇଯିବ । ଏଭଳି ସ୍ଥିତିରେ ଭାରତ ଯଦି ନ୍ୟୁଜିଲାଣ୍ଡ ଠାରୁ ହାରିଯାଏ ତେବେ ପ୍ରଥମ ସେମିରେ ଭାରତ-ଦକ୍ଷିଣ ଆଫ୍ରିକା ମୁକାବିଲା ହେବ । ଯଦି ଭାରତ-ଅଷ୍ଟ୍ରେଲିଆ ମୁକାବିଲା ଡ୍ର ହେବ, ତେବେ ଭାରତ-ଅଷ୍ଟ୍ରେଲିଆ ମଧ୍ୟରେ ସେମି ଖେଳାଯିବ ।
