ଟି-୨୦ ବିଶ୍ବକପ ବିଜୟ ଉତ୍ସବ; ମରିନ୍ ଡ୍ରାଇଭରୁ ଭିକ୍ଟ୍ରି ରାଲି

ମୁମ୍ବାଇ: T-20 ବିଶ୍ବକପ୍ ଜିତିବା ପରେ ଏବେ ସେଲିବ୍ରେସନ ଟାଇମ୍ । ବିଶ୍ବ ବିଜୟୀ ଟିମ୍ ଇଣ୍ଡିଆକୁ ଭବ୍ଯ ସ୍ବାଗତ ସମ୍ବର୍ଦ୍ଧନା । ଟିମ୍ ଇଣ୍ଡିଆ ଏବେ ମୁମ୍ବାଇରେ । ଏୟାରପୋର୍ଟରୁ ମୁମ୍ବାଇର ମରିନ୍ ଡ୍ରାଇଭରେ ହେଉଛି ଭିକ୍ଟ୍ରି ରାଲି । ୱାଙ୍ଖଡ଼େ ଷ୍ଟାଡିୟମ ପର୍ଯ୍ଯନ୍ତ ଯିବ ରାଲି । ରାସ୍ତାରେ ହଜାର ହଜାର ଫ୍ଯାନ ନିଜ ନିଜର ଫେଭରିଟ କ୍ରିକେଟରଙ୍କୁ ସକାଳୁ ହିଁ ଅପେକ୍ଷା କରି ରହିଛନ୍ତି ।

ଆଜି ସକାଳେ କ୍ରିକେଟରମାନେ ଦିଲ୍ଲୀ ଏୟାରପୋର୍ଟରେ ପହଞ୍ଚିବା ପରେ ପ୍ରଧାନମନ୍ତ୍ରୀଙ୍କୁ ସାକ୍ଷାତ କରିବାକୁ ଯାଇଥିଲେ । ସେଠାରେ ସମସ୍ତଙ୍କୁ ଭେଟି ବିଶ୍ବକପ୍ ବିଜୟର ଅଭିନନ୍ଦନ ଜଣାଇଥିଲେ ମୋଦି । ପରେ କ୍ରିକେଟରମାନେ ମୁମ୍ବାଇ ଆସିଛନ୍ତି । ଏବେ ଆରମ୍ଭ ହୋଇଛି ସେଲିବ୍ରେସନ ଟାଇମ୍ । ଚାଲିଛି ଭିକ୍ଟ୍ରି ରାଲି ।

ରାସ୍ତାର ଉଭୟ ପାର୍ଶ୍ବରେ ହଜାର ହଜାର ଲୋକ ନିଜର ଫେଭରିଟ କ୍ରିକେଟରଙ୍କ ଏକ ଝଲକ ପାଇବାକୁ ଓ ଅଭିନନ୍ଦନ ଜଣାଇବାକୁ ଘଣ୍ଟା ଘଣ୍ଟା ଧରି ଛିଡ଼ା ହୋଇଥିଲେ । ହାତ ହଲାଇ ସେମାନଙ୍କ ଅଭିନନ୍ଦନ, ଶୁଭେଚ୍ଛା ସ୍ବୀକାର କରିଛନ୍ତି ବିଶ୍ବ ବିଜେତା କ୍ରିକେଟରମାନେ ।