ତିନୋଟିଯାକ ଫର୍ମାଟରେ ନମ୍ବର ଓ୍ବାନ୍ ବନିଲା ଟିମ୍ ଇଣ୍ଡିଆ

ନୂଆଦିଲ୍ଲୀ: ବିଶ୍ବକପ ପୂର୍ବରୁ ଖୁସି ଖବର । କ୍ରିକେଟର ତିନୋଟିଯାକ ଫର୍ମାଟରେ ନମ୍ବର ଓ୍ବାନ ବନିଲା ଟିମ୍ ଇଣ୍ଡିଆ । ଟେଷ୍ଟ, ଦିନିକିଆ ଏବଂ ଟି-୨୦ରେ ଏକ ନମ୍ବର ହୋଇଛି ଭାରତ । ଅଷ୍ଟ୍ରେଲିଆ ବିପକ୍ଷରେ ୩ ମ୍ୟାଚ ବିଶିଷ୍ଟ ଦିନିକିଆ ସିରିଜ ଭାରତ ଖେଳୁଥିବାବେଳେ ପ୍ରଥମ ମ୍ୟାଚରେ ଦମଦାର ବିଜୟ ହୋଇଛି । ଦୀର୍ଘ ୨୭ ବର୍ଷ ପରେ ମୋହାଲିରେ ଭାରତ ବିଜୟ ହୋଇଛି । ମୋହାଲିରେ ଭାରତ ଦୀର୍ଘ ୨୭ ବର୍ଷ ହେବ ଜିତି ନଥିବାବେଳେ ଅଷ୍ଟ୍ରେଲିଆ ବିପକ୍ଷ ମ୍ୟାଚରେ ଅନେକ ରେକର୍ଡ କରିଛି ରାହୁଲ ବାହିନୀ ।

୧୧୫ ପଏଣ୍ଟ ସହ ଭାରତ ଦିନିକିଆରେ ଭାରତ ଏକ ନମ୍ବର ବନିଥିବାବେଳେ ପଛକୁ ରହିଛନ୍ତି ପାକିସ୍ତାନ, ଅଷ୍ଟ୍ରେଲିଆା, ଦକ୍ଷିଣ ଆାଫ୍ରିକା ଏବଂ ଇଂଲଣ୍ଡ ।  ଆଇସିସି ଟେଷ୍ଟ ର଼୍ୟାଙ୍କିଙ୍ଗରେ ଭାରତୀୟ ଦଳ 118 ରେଟିଂ ପଏଣ୍ଟ ସହ ଶୀର୍ଷରେ ରହିଛି। ଏଥି ସହିତ ଅଷ୍ଟ୍ରେଲିଆର ଦଳ ଦ୍ୱିତୀୟ ସ୍ଥାନରେ ରହିଛି। ଏହା ବ୍ୟତୀତ ଯଥାକ୍ରମେ ଇଂଲଣ୍ଡ, ଦକ୍ଷିଣ ଆଫ୍ରିକା ଏବଂ ନ୍ୟୁଜିଲ୍ୟାଣ୍ଡର ଦଳ ଅଛନ୍ତି | ଆଇସିସି ଟି -20 ର଼୍ୟାଙ୍କିଙ୍ଗରେ 264 ରେଟିଂ ପଏଣ୍ଟ ସହ ଭାରତୀୟ ଦଳ ଶୀର୍ଷରେ ରହିଛି। 261 ରେଟିଂ ପଏଣ୍ଟ ସହ ଇଂଲଣ୍ଡ ଦଳ ଦ୍ୱିତୀୟ ସ୍ଥାନରେ ଅଛି | ଏହା ପରେ ପାକିସ୍ତାନ, ନ୍ୟୁଜିଲ୍ୟାଣ୍ଡ ଏବଂ ଦକ୍ଷିଣ ଆଫ୍ରିକାର ଦଳ ଯଥାକ୍ରମେ ଆଇସିସି ଟି -20 ମାନ୍ୟତାରେ ଅଛନ୍ତି। ତେବେ ଆଇସିସି ଟେଷ୍ଟ, ODI ଏବଂ ଟି -20 ଫର୍ମାଟରେ ନମ୍ବର -1 ଦଳ ହୋଇ ଭାରତୀୟ ଦଳ ଇତିହାସ ସୃଷ୍ଟି କରିଛି।

ବିଶ୍ବକପ ପୂର୍ବରୁ ଭାରତ ଅଷ୍ଟ୍ରେଲିଆ ବିପକ୍ଷ ବିଜୟ ଗୁରୁତ୍ବବହନ କରୁଛି । ଏସିଆ କପରେ ବିଜୟ ପରେ ଦଳର ମେନାବଳ ବୃଦ୍ଧି ହେବା ସହ ଖେଳାଳିଙ୍କ ଦମଦାର ପ୍ରଦର୍ଶନ ଦେଖିବାକୁ ମିଳିଛି । ଦଳର ସିନିୟର ଖେଳାଳିମାନେ ବିଶ୍ରାମ ନେଇଛନ୍ତି । ଯେମିତିକି କୋହଲି, ରୋହିତ ଏବଂ ହାର୍ଦ୍ଦିକ ପାଣ୍ଡ୍ୟା ବିଶ୍ରାମ ନେଇଥିବାବେଳେ ଦଳର ଯୁବ ଖେଳାଳିମାନେ ଭଲ ପ୍ରଦର୍ଶନ କରିବା ସହ ଦଳକୁ ଜିତାଇଛନ୍ତି । ମହମ୍ମଦ ସାମିଙ୍କ ବୋଲିଂ ସାଙ୍ଗକୁ କେ.ଏଲ ରାହୁଲ, ସୂର୍ଯ୍ୟ କୁମାର ଯାଦବ ଏବଂ ଗିଲଙ୍କ ଆକ୍ରମଣାତ୍ମକ ବ୍ୟାଟିଂ ଦଳ ପାଇଁ ବହୁ ମୂଲ୍ୟବାନ ହୋଇଛି ।