ବିରୁଷ୍କାଙ୍କ ଘରକୁ ଆସିବେ ନୂଆ ଅତିଥି

ମୁମ୍ବାଇ: ଟିମ୍ ଇଣ୍ଡିଆ କ୍ୟାପଟେନ ବିରାଟ କୋହଲି ଏବଂ ବଲିଉଡ ଅଭିନେତ୍ରୀ ଅନୁଷ୍କା ଶର୍ମା ତାଙ୍କ ପ୍ରଶଂସକଙ୍କୁ ଦେଇଛନ୍ତି ଖୁସି ଖବର । ତେବେ ଏହି ଖୁସି ଖବରକୁ ଶୁଣିବା ପାଇଁ ଦୀର୍ଘ ଦିନ ଧରି ଅପେକ୍ଷା କରିଥିଲେ ଉଭୟଙ୍କ ପ୍ରଶଂସକ । କିଛି ସମୟ ପୂର୍ବରୁ ଟ୍ୱିଟରରେ ଏହି ବିଷୟରେ ସୂଚନା ଦେଇଛନ୍ତି ବିରାଟ । କେବଳ ବିରାଟ ନୁହଁନ୍ତି ବରଂ ଅନୁଷ୍କା ମଧ୍ୟ ନିଜ ସୋସିଆଲ ମିଡିଆ ହ୍ୟାଣ୍ଡେଲରେ ଫଟୋ ପୋଷ୍ଟ କରିଛନ୍ତି । ଫଟାରେ ଦୁଇଜଣ ବେଶ୍ ଖୁସି ଥିବାର ଦେଖିବାକୁ ମିଳିଛି । ସବୁଠାରୁ ଖାସ କଥା ହେଉଛି ଫଟାରେ ଅନୁଷ୍କାଙ୍କ ବେବି ବମ୍ପ ମଧ୍ୟ ନଜର ଆସିଛି ।

And then, we were three! Arriving Jan 2021 ❤️? pic.twitter.com/0BDSogBM1n

— Virat Kohli (@imVkohli) August 27, 2020

ବିରାଟ ଏବଂ ଅନୁଷ୍କାଙ୍କ ଉକ୍ତ ଖୁଲାସା ପରେ ସେଲିବ୍ରିଟି ତାଙ୍କୁ ଖୁବ ଶୁଭେଚ୍ଛା ଜଣାଉଛନ୍ତି । କିଛି କ୍ଷଣ ମଧ୍ୟରେ ଇଂଷ୍ଟାଗ୍ରାମରେ ତାଙ୍କ ଫଟାରେ ଲକ୍ଷାଧିକ ଲାଇକ୍ସ ହୋଇ ସାରିଛି । ଖେଳାଳୀ ମଧ୍ୟ ତାଙ୍କୁ ଖୁବ ଶୁଭେଚ୍ଛା ଜଣାଉଛନ୍ତି । ଏହା ସହିତ ଅନୁଷ୍କାଙ୍କୁ ସମସ୍ତେ ଶୁଭେଚ୍ଛା ଜଣାଇ ନିଜର ଯତ୍ନ ନେବା ପାଇଁ ପରାମର୍ଶ ଦେଉଛନ୍ତି ।