ପୁଣି ଜିତିଲା ଭାରତ, ଅର୍ଦ୍ଧଶତକୀୟ ପାଳି ଖେଳିଲେ କୋହଲି-ରୋହିତ-ସୂର୍ଯ୍ୟକୁମାର

 ସିଡନୀ: ଭାରତ ଉଡାଇଲା ବିଜୟ ଧ୍ୱଜା  । ଜାରି ରଖିଲା ବିଜୟ ଅଭିଯାନ  ।  ବଡ଼ ବ୍ୟବଧାନରେ ଜିତିଲା ଭାରତ  ।  ବିଜୟ ରାସ୍ତାର ପିଛା କରି ୧୨୩ ରନରେ ଅଟକିଗଲା ପ୍ରତିଦ୍ୱନ୍ଦୀ ନେଦରଲ୍ୟାଣ୍ଡ  । ପ୍ରଥମେ ବ୍ୟାଟିଂ କରି ଭାରତ ନିର୍ଦ୍ଧାରିତ ୨୦ ଓଭରରେ ୧୭୯ ରନ୍ କରିଥିଲା  । ଦ୍ୱିତୀୟ ଇଂନିସରେ ନେଦରଲ୍ୟାଣ୍ଡ ୨୦ ଓଭରରେ ୧୨୩ ରନ୍ କରିଥିବାବେଳେ ୫୬ରନରେ ବିଜୟ ହାସଲ କରିଛି ଟିମ୍ ଇଣ୍ଡିଆ  ।

ପ୍ରଥମେ ବ୍ୟାଟି କରି ନେଦରଲ୍ୟାଣ୍ଡସକୁ ଭାରତ ଦେଇଥିଲା ୧୮୦ରନର ଟାର୍ଗେଟ  । ରୋହିତ ଶର୍ମା, ବିରାଟ କୋହଲି ଓ ସୂର୍ଯ୍ୟକୁମାର ଯାଦବଙ୍କ  ଅର୍ଦ୍ଦଶତକୀୟ ପାଳି ଦଳକୁ ଆଗକୁ ନେବାରେ ସହାୟକ ହୋଇଥିଲା  । ପ୍ରଥମେ ୫୩ ରନ କରି ପାଭିଲିନୟ ଫେରିଥିଲେ ରୋହିତ ଶର୍ମା । ଅପରାଜିତ ଅର୍ଦ୍ଧଶତକୀୟ ପାଳି ଖେଳିଲେ କୋହଲି ଓ ସୂର୍ଯ୍ୟକୁମାର ଯାଦବ ।

କୋହଲି ୬୨ ରନ୍ କରିଥିବାବେଳେ ଓ ସୂର୍ଯ୍ୟକୁମାର ଯାଦବ ସଂଗ୍ରହ କରିଥିଲେ ୫୧ ରନ୍ । ଭାରତ ପ୍ରଥମ ଇଂନିସରେ ନିର୍ଦ୍ଧାରିତ ୨୦ ଓଭରରେ ୨ଓ୍ବିକେଟ ହରାଇ ୧୭୯ରନ କରିଥିଲା  । ନେଦରଲ୍ୟାଣ୍ଡ ପକ୍ଷରୁ ଫ୍ରିଙ୍ଗଲି ସର୍ବାଧିକ ୨୦ ରନ୍ କରିଛନ୍ତି  । ଦଳ ବିଜୟ ସାମ୍ନା କରି ୨୦ ଓଭର ସୁଦ୍ଧା ୯ ୱିକେଟ ବିନିମୟରେ ୧୨୩ ରନ୍ ହାସଲ କରିଛି  । ପ୍ରଥମ ମ୍ୟାଚରେ ପାକିସ୍ତାନକୁ ହରାଇ ଭାରତ ବିଜୟ ହାସଲ କରିଥିବାବେଳେ, ଦ୍ୱିତୀୟ ମ୍ୟାଚରେ ନେଦରଲ୍ୟାଣ୍ଡକୁ ହରାଇଛି ମେନ୍ ଇନ୍ ବ୍ଲୟୁ  ।