ଇଂଲଣ୍ଡକୁ ହରାଇ ଘରୋଇ ମାଟିରେ ଭାରତ ବନାଇଲା ଏମିତି ରେକର୍ଡ, କୌଣସି ଦେଶ ଆଖପାଖରେ ନାହାନ୍ତି

ଭୁବନେଶ୍ବର: ରାଞ୍ଚିରେ ଖେଳାଯାଇଥିବା ଇଂଲଣ୍ଡ ବିପକ୍ଷ ଚତୁର୍ଥ ମ୍ୟାଚ୍ ଜିତି ଭାରତ ଏମିତି ଏକ ରେକର୍ଡ କରିଛି ଯାହାର ଆଖପାଖରେ କୌଣସି ଟେଷ୍ଟ ପ୍ଲେଇଂ ଟିମ୍ ନାହାନ୍ତି । ଆଉ ଏହି ରେକର୍ଡଟି କ’ଣ ଜାଣିଛନ୍ତି କି ? ଘରୋଇ ମାଟିରେ ଭାରତ ଚତୁର୍ଥ ପାଳିରେ ୨୦୦ରୁ କମ ରନର ବିଜୟ ଲକ୍ଷ୍ୟ ହାସଲ କରିବାରେ ରେକର୍ଡ କରିଛି । ପୂର୍ବରୁ ଭାରତ ପାଖରେ ଏହି ରେକର୍ଡ ଥିଲେ ବି ରାଞ୍ଚି ମ୍ୟାଚ୍ ଜିତି ଏହାକୁ ଆଉ ପାଦେ ଆଗକୁ ନେଇଛି । ଆସନ୍ତୁ ଜାଣିବା ଭାରତ ବନାଇଥିବା ଏହି ରେକର୍ଡ ସମ୍ପର୍କରେ ।

ଆପଣ ତ ଜାଣିଥିବେ ଟେଷ୍ଟ ମ୍ୟାଚରେ ଚଟି ପାଳି ଖେଳାଯାଇଥାଏ । ଦୁଇ ଦଳ ଦୁଇଥର ଲେଖାଏଁ ବ୍ୟାଟିଂ କରିଥାନ୍ତି । ଚତୁର୍ଥ ପାଳିର ବ୍ୟାଟିଂ ନିର୍ଣ୍ଣୟ କରିଥାଏ ମ୍ୟାଚର ଫଳାଫଳ । ଆଉ ଏହି ଚତୁର୍ଥ ପାଳିରେ ୨୦୦ରୁ କମ ରନର ଟାର୍ଗେଟକୁ ପିଛା କରି ଜିତିବାରେ ରେକର୍ଡ କରିଛି ଭାରତ ।

ଭାରତ ବର୍ତ୍ତମାନ ପର୍ଯ୍ୟନ୍ତ ଖେଳିଥିବା ଟେଷ୍ଟରେ ଏମିତି ସୁଯୋଗ ୩୩ ଥର ଆସିଛି । ଯେଉଥିରେ ଭାରତ ଆଗରେ ୨୦୦ରୁ କମ ରନ୍ର ବିଜୟ ଲକ୍ଷ୍ୟ ରହିଛି । ଆଉ ଏଥିରେ ଭାରତ ୩୦ ଥର ବିଜୟୀ ହୋଇଥିବା ବେଳେ ୩ ଥର ମ୍ୟାଚ୍ ଡ୍ର ହୋଇଛି । ଅର୍ଥାତ ୨୦୦ରୁ କମ ରନର ଟାର୍ଗେଟକୁ ପିଛା କରି ମ୍ୟାଚ୍ ନହାରିବାରେ ରେକର୍ଡ କରିଛି ଭାରତ ।

୧୧ ବର୍ଷ ପରେ ଭାରତକୁ ମିଳିଲା ବିଜୟ

ଟେଷ୍ଟ ମ୍ୟାଜରେ ମିଟ୍ ଇଣ୍ଡିଆ ଘରୋଇ ପରିବେଶରେ ଖେଳି ଶେଷ ଥର ଅଷ୍ଟ୍ରେଲିଆ ବିପକ୍ଷରେ ୨୦୦ରୁ କମ ରନ୍ କରି ମ୍ୟାଚ୍ ଜିତିଥିଲା । ଭାରତ ଓ ଅଷ୍ଟ୍ରେଲିଆ ମଧ୍ୟରେ ଏହି ମ୍ୟା ୨୦୧୩ରେ ଖେଳାଯାଇଥିଲା । ଯାହାକୁ ଭାରତ ୬ ଓ୍ବିକେଟରେ ଜିତି ନେଇଥିଲା ।

ରାଞ୍ଜିରେ ଭାରତ ଇଂଲଣ୍ଡକୁ ହରାଇ ୩-୧ରେ ୫ ଟିକିଆ ସିରିଜକୁ କବଜା କରିଛି । ଚତୁର୍ଥ ଦିନରେ ୧୯୨ ରନର ଟାର୍ଗେଟକୁ ୫ ଓ୍ବିକେଟରେ ହାସଲ କରିଛି ଭାରତ । ଦଳ ପକ୍ଷରୁ ଶୁବମନ ଗିଲ ଓ ଧ୍ରୁବ ଜୁରେଲଙ୍କ ଷଷ୍ଠ ୱିକେଟରେ ୭୨ ରନର ପାର୍ଟନରସିପ ଦଳକୁ ବିଜୟୀ କରିବାରେ ମୁଖ୍ଯ ଭୂମିକା ତୁଲାଇଥିଲା । ଗିଲ ୫୨ ରନ କରି ନଟଆଉଟ ଥିବାବେଳେ ଜୁରେଲ ୩୯ ରନର ଦମଦାର ସହଯୋଗ ଦେଇଥିଲେ । ଏକଦା ୫ ୱିକେଟ ହରାଇ ୧୨୦ରନ କରି ଭାରତ ଅସୁବିଧାରେ ପଡିଯାଇଥିଲା । ହେଲେ ଗିଲ ଓ ଜୁରେଲ ଯୋଡ଼ି ଦଳକୁ ସମ୍ଭାଳି ନେଇଥିଲେ । ଦ୍ବିତୀୟ ପାଳିରେ ଭାରତକୁ ଜିତିବା ଲାଗି ୧୯୨ରନ ଟାର୍ଗେଟ ଦେଇଥିଲା ଭ୍ରମଣକାରୀ ଦଳ ଇଂଲଣ୍ଡ । ଗତକାଲି ତୃତୀୟ ଦିନର ଖେଳ ଶେଷବେଳକୁ ଭାରତ ୪୦ ରନ କରିନେଇଥିଲା । ଆଜି ବାକି ୧୫୨ରନ ଟାର୍ଗେଟକୁ ହାସଲ କରି ସିରିଜ ସିଲ କରିପାରିଛି ରୋହିତ ବାହିନୀ ।