ମୁଖ୍ୟମନ୍ତ୍ରୀ ପ୍ରାଥମିକ ଶିକ୍ଷା ବ୍ୟବସ୍ଥାରୁ ଯୋଜନାଭିତ୍ତିକ ପ୍ରଥାକୁ ଉଚ୍ଛେଦ କରି ସମସ୍ତ ଯୋଜନା ଭିତ୍ତିକ ମାନଙ୍କୁ ନିୟମିତ କରିବା ପାଇଁ ଘୋଷଣା କରିଥିଲେ । ଏହା ସହ ୪୫୦୦୦ ଶିକ୍ଷକ ନିଯୁକ୍ତି କରିବାକୁ ଯାଉଛନ୍ତି ବୋଲି ଗଣମାଧ୍ୟମ ମାଧ୍ୟମରେ ଘୋଷଣା କରାଯାଇଥିଲା । ଏ ଘୋଷଣା ୨୦୨୫ ଅଗଷ୍ଟ ୨୨ରେ ଏହି ହୋଇଥିଲା । ଇତିମଧ୍ୟରେ ଦୁଇମାସରୁ ଅଧିକ ସମୟ ହୋଇଯାଇଥିଲେ ମଧ୍ୟ ତାହାକୁ ସରକାରୀ ନିର୍ଦ୍ଦେଶନାମାରେ ଏ ପର୍ଯ୍ୟନ୍ତ ପ୍ରକାଶିତ କରାଯାଇନାହିଁ। ଯାହାକି ପ୍ରଶାସନିକ ଉଦାସୀନତାକୁ ସୁଚାଉଛି, ମାନ୍ୟବର ମୁଖ୍ୟମନ୍ତ୍ରୀଙ୍କ ଘୋଷଣା ପରେ ସରକାରୀ ନିର୍ଦ୍ଦେଶ ନ ଆସିବା ବାସ୍ତବିକ ଦୁର୍ଭାଗ୍ୟଜନକ ବୋଲି ଓଡ଼ିଶା କନିଷ୍ଠ ଶିକ୍ଷକ ସଂଘ ଅଭିଯୋଗ କରିଛି। କେଉଁ ବିଭାଗ ଓ କିଏ ଏହାକୁ ବିଳମ୍ବ କରୁଛି, ତାକୁ ନେଇ ପ୍ରଶ୍ନ ଉଠିଛି । କିଛି ଜିଲ୍ଲାରେ ପୁଣି ଥରେ ଚୁକ୍ତି କରାଯାଇଛି। ଏହାର କାରଣ ଖୋଜିବାକୁ ବି ଦାବି ହୋଇଛି। କନିଷ୍ଠ ଶିକ୍ଷକମାନଙ୍କୁ ଅବିଳମ୍ବେ ନିୟମିତ ସରକାରୀ ନିର୍ଦ୍ଦେଶନାମା ଦେବା ସହ ପ୍ରସ୍ତାବିତ ନୂତନ ଶିକ୍ଷକ ନିଯୁକ୍ତିର ଵିଜ୍ଞାପନ ତ୍ୱରାନ୍ୱିତ କରିବାକୁ ଓଡ଼ିଶା କନିଷ୍ଠ ଶିକ୍ଷକ ସଂଘ ପକ୍ଷରୁ ଦାବି କରାଯାଇଛି। ଆସନ୍ତା 15 ଦିନ ଭିତରେ ଯଦି ସରକାରୀ ନିର୍ଦ୍ଦେଶନାମା ନବାହାରେ, ତେବେ ଓଡ଼ିଶା କନିଷ୍ଠ ଶିକ୍ଷକ ସଂଘ ରାଜାରାସ୍ତାକୁ ଓହ୍ଲାଇବାକୁ ଚେତାବନୀ ଦିଆଯାଇଛି ।
