ଛାତ୍ରକୁ ଓଲଟା କରି ଗିରଫ ହେଲେ ପ୍ରଧାନଶିକ୍ଷକ

ଉତ୍ତରପ୍ରଦେଶ : ଉତ୍ତରପ୍ରଦେଶ ମିର୍ଜାପୁର ଜିଲ୍ଲାର ଏକ ବେସରକାରୀ ବିଦ୍ୟାଳୟର ପ୍ରଧାନଶିକ୍ଷକ ଜଣେ ଛାତ୍ରକୁ ଓଲଟା କରି ଦଣ୍ଡ ଦେବାରୁ ଉତ୍ତରପ୍ରଦେଶ ପୋଲିସ ତାଙ୍କୁ ଗିରଫ କରିଛି  । ଏହାର ଏକ ଫଟୋ ସୋସିଆଲ ମିଡିଆରେ ଭାଇରାଲ ହେବାପରେ ମିର୍ଜାପୁର ବିଚାରପତି ଶିକ୍ଷକଙ୍କ ନାଁରେ ଅଭିଯୋଗ କରିବା ପରେ ପୋଲିସ ଏକ ମାମଲା ରୁଜ୍ଜୁ କରିଥିଲା  । ବର୍ତ୍ତମାନ ଉକ୍ତ ଶିକ୍ଷକ ଜଣକ ଗିରଫ ହୋଇଥିବା ଜଣାପଡ଼ିଛି  । ଏହି ଘଟଣା ଅକ୍ଟୋବର ୨୮ ତାରିଖ ମିର୍ଜାପୁର ଜିଲ୍ଲା ଅରଉରାର ସଦଭାବନା ଶିକ୍ଷଣ ସଂସ୍ଥାନର  ।

ପ୍ରଧାନଶିକ୍ଷକଙ୍କ କହିବାନୁଯାୟୀ ସ୍କୁଲର ଜଣେ ଦ୍ୱିତୀୟ ଶ୍ରେଣୀ ଛାତ୍ର ଅସଦାଚରଣ କରିବାରୁ ତାକୁ ଏହି ଦଣ୍ଡ ଦିଆଯାଇଥିଲା  । ଅନେକ ଗୁହାରି କରିବା ସତ୍ତ୍ୱେ ଶିକ୍ଷକ ଜଣକ ପିଲାଟିର କୈାଣସି କଥା ନ ଶୁଣି ୧୦ ମିନିଟ୍ ଯାଏ ପିଲାଟିକୁ ଗୋଟିଏ ମହଲାରୁ ଓଲଟା ଧରି ତଳକୁ ଓଳାଇ ରଖିଥିଲେ  । ପିଲାଟିର ବାପା ଥାନାରେ ମାମଲା ରୁଜ୍ଜୁ କରିବାରୁ ଆଇପିସି ଧାରା ୩୫୨ ଏବଂ ୫୦୬ରେ ଗିରଫ କରାଯାଇଛି  ।