ଭାରତରେ ଆଜି ଲଞ୍ଚ ହେବ ଟାଟାର ନୂଆ ଇଲେକ୍ଟ୍ରିକ୍ କାର, ଜାଣନ୍ତୁ ଫିଚର୍ସ…

ନୂଆଦିଲ୍ଲୀ: ଟାଟା ମୋଟର୍ସ ଆଜି ଭାରତରେ ମୋଷ୍ଟ ୱଟେଡ୍ ଇଲେକ୍ଟ୍ରିକ୍ କାର୍ ଟାଟା ନେକ୍ସନ୍ କୁପେ ଇଭି (Tata Nexon Coupe EV) କନସେପ୍ଟ ଜାରି କରିବ। ଏହାର ଲୁକ୍ ଆଖି ଝଲସାଇବା ଭଳି ରହିଛି । କମ୍ପାନୀ ଏହି କାରରେ ଆଗ୍ରେସିଭ୍ ଡିଜାଇନର ବ୍ୟବହାର ହେଉଥିବା ନେଇ ଏହାର ଟିଜରରୁ ଜଣାପଡୁଛି । ଖାଲି ଏତିକି ନୁହେଁ କାରରେ ଟ୍ରାଏଙ୍ଗୁଲାର୍ ସେପର ଲାଇଟସ୍ ଦିଆଯାଇଛି।

Tata Nexon EVରେ ପରମାନେଣ୍‌ଟ ମେଗନେଟ୍ AC ମୋଟର ରହିଛି। ଏଥିରେ ପାୱର ପାଇଁ ଲିଥିୟମ୍ ଆୟନ ବ୍ୟାଟେରୀ ଦିଆଯାଇଛି । ଯାହା ଲିକ୍ୱିଡ୍ କୁଲ୍ଡ ଓ IP67 ସାର୍ଟିଫାଇଡ୍ । Nexon EVରେ ୩୦.୨ kWhର ବ୍ୟାଟେରୀ ଦିଆଯାଇଛି। ଏହି କାର୍ ସିଙ୍ଗଲ୍ ଚାର୍ଜରେ ୩୧୨ କିମି. ରେଞ୍ଜ ଦେଇଥାଏ । ଅର୍ଥାତ୍ ଥରେ ଫୁଲ୍ ଚାର୍ଜ କଲେ କାର୍ ଟି ୩୧୨ କିମି. ଯାଏଁ ଚାଲି ପାରିବ । ଏହାର ନୂଆ ଇଲେକ୍ଟ୍ରିକ୍ ପାଓରଟ୍ରନ୍ ୨୪୫ Nmର ପିକ ଟର୍କ ଜେନେରେଟ୍ କରିଥାଏ ।

ସୂଚନା ଅନୁଯାୟୀ, Nexon EV ହେଉଛି ଦେଶର ସବୁଠୁ ଶସ୍ତା ଇଲେକ୍ଟ୍ରିକ୍ ଏସୟୁଭି । ଭାରତୀୟ ବଜାରରେ ଏହାର ପ୍ରାରମ୍ଭିକ ମୂଲ୍ୟ ୧୪.୫୪ ଲକ୍ଷ ରହିଛି । ଯାହାର ଅଫ୍ ଶୋରୁମ୍ ମୂଲ୍ୟ ୧୭.୧୫ ଲକ୍ଷ ଟଙ୍କା ରହିଛି । ମୂଲ୍ୟ କମ୍ ଥିବାରୁ ଏହାର ବିକ୍ରି ମଧ୍ୟ ଜୋରଦାର୍ ହେବ ବୋଲି ଆଶା କରିଛି କମ୍ପାନୀ ।