ନିଳାଚଳ ଇସ୍ପାତକୁ ନେଲା TATA, ୧୨ ହଜାର ୧୦୦ କୋଟିରେ କିଣିଲା ବିଡିଂ
ଭୁବନେଶ୍ୱର: ନିଳାଚଳ ଇସ୍ପାତ ନିଗମ ଲିମିଟେଡକୁ କିଣିବ ଟାଟା । ୧୨ ହଜାର ୧୦୦ କୋଟି ଟଙ୍କାରେ କିଣିବ ଟାଟା କମ୍ପାନୀ। ଏବେ ଯାଜପୁର ସ୍ଥିତ ନିଳାଚଳ ଇସ୍ତାତ ଟାଟା ଅଧିନକୁ ଯିବା ପକ୍କା ହୋଇସାରିଛି । ଟାଟାର ସର୍ବାଧିକ ବିଡିଂକୁ ଗ୍ରହଣ କରିଛି କ୍ୟାବିନେଟ କମିଟି । କ୍ୟାବିନେଟର ଅର୍ଥନୈତିକ ବ୍ୟାପାର ସଂକ୍ରାନ୍ତୀୟ କମିଟି ନେଇଛି ଏହି ନିଷ୍ପତ୍ତି। ପ୍ରବଳ କ୍ଷତି ଯୋଗୁଁ ୨୦୨୦ ମାର୍ଚ ୩୦ରୁ ନିଳାଚଳ ଇସ୍ପାତ ନିଗମ ବନ୍ଦ ପଡିଛି । ଫଳରେ ନିଳାଚଳ ଇସ୍ପାତ କାର୍ଯ୍ୟକ୍ଷମ ହେବା ଅନିଶ୍ଚିତତା ଭିତରେ ରହିଥିଲା ।
ବିଡିଂ ପକ୍ରିୟାରେ ଜିନ୍ଦଲ ଷ୍ଟିଲ୍ ଆଣ୍ଡ ପାଓ୍ବାର, ନଲଓ୍ବା ଷ୍ଟିଲ ଆଣ୍ଡ ପାଓ୍ବାର ଏବଂ ଟିଏସଏଲପି ବିଡିଂ ପ୍ରକ୍ରିୟାରେ ଭାଗ ନେଇଥିଲେ । ନିଳାଚଳ ଇସ୍ପାତ ନିଗମ ଲିମିଟେଡ ଉପରେ ୬ ହଜାର ୬ ଶହ କୋଟିରୁ ଅଧିକ ଟଙ୍କାର ରହିଛି ଆର୍ଥିକ ବୋଝ । ଏହି ବିଡଂ ପକ୍ରିୟାରେ ଟାଟା ୧୨ ହଜାର ୧୦୦ କୋଟି ଟଙ୍କାରେ ନିଳାଚଳ ଇସ୍ପାତ ଲିମିଟେଡକୁ କିଣିବା ନେଇ ସ୍ପଷ୍ଟ ହୋଇଛି ।
