ବିମାନ ଦୁର୍ଘଟଣାରେ ‘ତାରଜନ୍’ ଚଳଚ୍ଚିତ୍ର ଅଭିନେତା ଜୋ ଲାରାଙ୍କ ସମେତ ୭ ଜଣଙ୍କ ମୃତ୍ୟୁ
1 min read
ବିମାନ ଦୁର୍ଘଟଣାରେ ‘ତାରଜନ୍’ ଚଳଚ୍ଚିତ୍ର ଅଭିନେତା ଜୋ ଲାରାଙ୍କ ମୃତ୍ୟୁ । ତାଙ୍କୁ ୫୯ ବର୍ଷ ବୟସ ହୋଇଥିଲା । ଜୋ’ଙ୍କ ସମେତ ମୋଟ ୭ ଜଣଙ୍କୁ ନେଇ ଯାଇଥିବା ବିମାନଟି ଦୁର୍ଘଟଣା ଗ୍ରସ୍ତ ହେବା ପରେ ସମସ୍ତଙ୍କ ମୃତ୍ୟୁ ଘଟିଛି । ଯେଉଁଥିରେ ତାଙ୍କ ସ୍ତ୍ରୀ ମଧ୍ୟ ରହିଛନ୍ତି । ୟୁଏସ୍ ସିଟିର ନାସଭେଲ୍ ପ୍ରଶାସନର ସୂଚନା ମୁତାବକ ଶନିବାର ଗୋଟିଏ ଛୋଟ କମର୍ସିଆଲ୍ ଜେଟ୍ ଦିନ ୧୧ ଘଣ୍ଟା ସମୟରେ ଶନିବାର ଦୁର୍ଘଟଣାଗ୍ରସ୍ତ ହୋଇଥିଲା । ଏହି ଦୁର୍ଘଟଣା ସମ୍ପର୍କରେ ଜଣାପଡ଼ିବା ପରେ ଉଦ୍ଧାରକାରୀ ଦଳ, ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚିଥିଲେ । ସୂଚନା ଅନୁଯାୟୀ, ଜୋ ଲାରା ଯାଉଥିବା ବିମାନ ଟି ପ୍ରେସୀ ପ୍ରିଷ୍ଟ ହ୍ରଦରେ ଖସିପଡ଼ିଥିଲା । ଯାହା ନାସଭେଲ୍ର ଠାରୁ ୧୯ କିଲୋମିଟରରେ ଦୂରରେ ଅବସ୍ଥିତ । ତେବେ ସର୍ଚ୍ଚ ଅପରେସନ୍ ବେଳେ ଦୁର୍ଘଟଣାଗ୍ରସ୍ତ ବିମାନ ସହିତ କିଛି ମଣିଷ ଶରୀରର ମଧ୍ୟ ଖଣ୍ଡବିଖଣ୍ଡିତ ଅଂଶ ମିଳିଛି । ତେବେ ସମ୍ପୂର୍ଣ୍ଣ ଅନ୍ଧାର ହେବା ଯାଏଁ ସର୍ଚ୍ଚ ଅପରେସନ୍ ଜାରି ରହିବ । ଏବଂ ପୁଣି ସୋମବାର ସର୍ଚ୍ଚ ଅପରେସନ୍ ଆରମ୍ଭ ହେବ ବୋଲି ଆରସିଏଫ୍ଆରଙ୍କ ପକ୍ଷରୁ କୁହାଯାଇଛି ।
ପରଲୋକଗତ ଜୋ ଲାରା ୧୯୮୯ ମସିହାରେ ଫିଲ୍ମ ତାରଜନ୍ରେ ତାରଜନ୍ ଭୂମିକାରେ ନଜର ଆସିଥିଲେ । ଏହାପରେ ସେ ଟେଲିଭିଜନ୍ ପାଇଁ ତାରଜନ୍ ସିରିଜ୍ ମଧ୍ୟ ଆରମ୍ଭ କରିଥିଲେ । ଯାହା ୧୯୯୬-୧୯୯୭ ମସିହ ଯାଏଁ ଟିଭି ପରଦାରେ ଦର୍ଶକଙ୍କ ମନୋରଞ୍ଜନ କରିଥିଲା । ତାଙ୍କ ପତ୍ନୀ ଜ୍ୱେନ୍ ଲାରା, ଯାହାଙ୍କୁ ସେ ୨୦୧୮ ମସିହାରେ ବିବାହ କରିଥିଲେ । ସେ ଖ୍ରୀଷ୍ଟିଆନ୍ ଓ୍ୱେଟ୍ ଲସ୍ ଗ୍ରୁପ୍ର ମୁଖ୍ୟ ଥିଲେ । ସେ ଏହାକୁ ୧୯୮୬ ମସିହାରେ ଗଢ଼ିଥିଲେ ।
ଏଥିସହିତ ପଢ଼ନ୍ତୁ: ବଲିଉଡ୍ ସଂଗୀତ ନିର୍ଦ୍ଦେଶକ ରାମଲକ୍ଷ୍ମଣଙ୍କ ହୃଦଘାତରେ ନିଧନ
