ସୁଶାନ୍ତ ସିଂ ରାଜପୁତ ମାମଲା: ସନ୍ଦୀପ ସିଂ ଓ ରିୟା ଚକ୍ରବର୍ତ୍ତୀଙ୍କୁ ନେଇ ପ୍ରଶ୍ନ ଉଠାଇଲେ ଏହି ଅଭିନେତା

1 min read

ମୁମ୍ବାଇ: ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ବାବଦରେ ପୋଲିସ ଏଯାଏଁ ୩୦ ରୁ ଅଧିକ ଲୋକଙ୍କୁ ପଚରାଉଚରା କରିସାରିଛି। କିନ୍ତୁ ସୁଶାନ୍ତଙ୍କ ଏଭଳି ପଦକ୍ଷେପର କାରଣ ଜଣା ପଡି ନାହିଁ। ଏହି କାରଣରୁ ସୁଶାନ୍ତଙ୍କ ପ୍ରଶଂସକଙ୍କ ସହ କିଛି ବଲିଉଡ ଏବଂ ଟିଭି ତାରକା ଏହି ମାମଲାର ସମାଧାନ ପାଇଁ ସିବିଆଇ ତଦନ୍ତ ଦାବି କରୁଛନ୍ତି। ଶେଖର ସୁମନ, କଙ୍ଗନା ରାନାୱତ, ରୂପା ଗାଙ୍ଗୁଲି ଏବଂ ରତନ ରାଜପୁତଙ୍କ ଭଳି ତାରକାଙ୍କ ପରେ ଏବେ ଟିଭି ଅଭିନେତା ତରୁଣ ଖନ୍ନା ମଧ୍ୟ ଅଭିନେତାଙ୍କ ମୃତ୍ୟୁକୁ ନେଇ ସିବିଆଇ ତଦନ୍ତ ଚାହୁଁଛନ୍ତି । ନିକଟରେ ତରୁଣ ଏକ ଭିଡିଓ ପୋଷ୍ଟ କରି ସୁଶାନ୍ତଙ୍କ ସାଙ୍ଗମାନଙ୍କ ଉପରେ କ୍ଷୋଭ ପ୍ରକାଶ କରିଥିଲେ, ଯେଉଁମାନେ ତାଙ୍କ ସହିତ ଅତି ନିକଟତର ଥିଲେ।

“କୌସଟି ଜିନ୍ଦେଗୀ କି”, “ ଆରମ୍ଭ” ଭଳି ଟିଭି ଶୋ’ରେ ଅଭିନୟ କରିଥିବା ତରୁଣ ଖନ୍ନା ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏକ ଭିଡିଓ ସେୟାର କରିଛନ୍ତି। ଏହି ଭିଡିଓରେ ସେ ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ ସିବିଆଇ ତଦନ୍ତ ଦାବି ନକରିବା ନେଇ ବଲିଉଡ ସେଲିବ୍ରିଟିଙ୍କ ଉପରେ କ୍ରୋଧ ପ୍ରକାଶ କରିଛନ୍ତି। ଏହା ସହିତ ସେ ସନ୍ଦୀପ ସିଂ ଏବଂ ରିୟା ଚକ୍ରବର୍ତ୍ତୀଙ୍କୁ ମଧ୍ୟ ପ୍ରଶ୍ନ କରିଥିଲେ। ଏହି ଭିଡିଓରେ ତରୁଣ ଖନ୍ନା କହିଛନ୍ତି ଯେ, ସେ ଟେଲିଭିଜନର ଜଣେ ଛୋଟ ଅଭିନେତା ଏବଂ ବହୁ ବର୍ଷ ଧରି ସେ ଛୋଟ ପରଦାରେ କାମ କରିଆସୁଛନ୍ତି ।

ସୁଶାନ୍ତଙ୍କ ମୃତ୍ୟୁ ପରଠୁ ସେ ଚୁପ୍ ରହିପାରୁନାହାନ୍ତି । ସେ କହିଛନ୍ତି ଯେ, ସୁଶାନ୍ତ ଡିପ୍ରେସନରେ ଆତ୍ମହତ୍ୟା କରିଛନ୍ତି ବୋଲି କୁହାଯାଉଛି । ହେଲେ ସେ ଜାଣିବାକୁ ଚାହୁଛନ୍ତି ଡିପ୍ରେସନର କାରଣ କ’ଣ ଥିଲା? ସୁଶାନ୍ତ ଏକ ସୁପରହିଟ୍ ସିରିଏଲ୍ ରେ କାମ କରିଥିଲେ ଯାହାକି ବହୁ ବର୍ଷ ଧରି ଭାରତର ଟେଲିଭିଜନରେ ଏକ ନମ୍ବର ଥିଲା ।

ସେ ‘କାୟ ପୋ ଛେ’ ଭଳି ଚଳଚ୍ଚିତ୍ରରେ ଅଭିନୟ କରି ସେ ଦୁଃଖିତ ଉଦାସ ଥିଲେ କି ନା ମହେନ୍ଦ୍ର ସିଂ ଧୋନିଙ୍କ ବାୟୋପିକରେ କାମ କରି ସେଠାରେ ଖୁସି ନଥିଲେ? ନା ତାଙ୍କର ଶେଷ ଚଳଚ୍ଚିତ୍ର ‘ଛିଚୋରେ’ ୧୫୦ କୋଟି ଟଙ୍କାର ରେକର୍ଡ କରିଛି, ସେ ନେଇ ସେ ଦୁଃଖିତ ଥିଲେ? ମୁକେଶ ଛାବ୍ରା ମୁମ୍ବାଇର ସବୁଠାରୁ ବଡ କାଷ୍ଟିଂ ନିର୍ଦ୍ଦେଶକଙ୍କ ମଧ୍ୟରୁ ଅନ୍ୟତମ।

ଯେତେବେଳେ ସେ ଏକ ଚଳଚ୍ଚିତ୍ର ନିର୍ମାଣ କରନ୍ତି, ସେତେବେଳେ ସେ ସୁଶାନ୍ତଙ୍କୁ ନିଜ ଫିଲ୍ମରେ ହିରୋ ଭାବେ କାଷ୍ଟ କରନ୍ତି । ମୁକେଶ ଛାବ୍ରା ହୁମା କ୍ୟୁରେଶି, ନୱାଜୁଦ୍ଦିନ ସିଦ୍ଦିକି, ସୁଶାନ୍ତ ସିଂ ରାଜପୁତ, ଅମିତ ସାଧ, ରାଜକୁମାର ରାଓଙ୍କ ବ୍ୟତୀତ ଅନେକ ବଡ କଳାକାରଙ୍କୁ ଲାଇମଲାଇଟରେ ଆଣିବାରେ ସାହାଯ୍ୟ କରିଛନ୍ତି ମୁକେଶ । ଯେଉଁ ବ୍ୟକ୍ତି ଜୀବନରେ କୌଣସି ଅସୁବିଧା ନଥିଲା, ସେ ଆତ୍ମହତ୍ୟା କାହିଁକି କରିବ ?

ସୁଶାନ୍ତଙ୍କ ବ୍ୟାଙ୍କ ଡିଟେଲ୍ସ ମଧ୍ୟ ଦର୍ଶାଇଛନ୍ତି ତରୁଣ । ସେ କୋଟି କୋଟି ଟଙ୍କା ଦାନ କରୁଥିଲେ । ସୁଶାନ୍ତଙ୍କ ପାଖେ ଅର୍ଥର ଅଭାବ ନଥିଲା। ସୁଶାନ୍ତ ଛୋଟ ପରଦାର କଳାକାରଙ୍କ ପାଇଁ ଆଶାର କିରଣ ଥିଲେ । ସୁଶାନ୍ତଙ୍କ ଭଳି ସେମାନେ ସମସ୍ତେ କାମ କରିବାକୁ ଚାହୁଁଥିଲେ । ସେମାନଙ୍କ ପାଇଁ ସୁଶାନ୍ତ କୌଣସି ହିରୋଠୁ କମ ନଥିଲେ । ଏବେ ତାଙ୍କ ହିରୋକୁ ମାରିଦିଆଯାଇଛି ।

ସେମାନଙ୍କୁ ସୁଶାନ୍ତଙ୍କ ମୃତ୍ୟୁର କାରଣ ଜାଣିବାର ଅଧିକାର ଅଛି । ସେ ସୁଶାନ୍ତଙ୍କୁ ଦୁଇ ତିନିଥର ଜିମରେ ଭେଟିଥିଲେ । ଯଦିଓ ସେ ସୁଶାନ୍ତଙ୍କୁ ଅତି ନିକଟରୁ ଜାଣି ନଥିଲେ ହେଲେ ସେ ତାଙ୍କୁ ବହୁତ ପସନ୍ଦ କରୁଥିଲେ । ସୁଶାନ୍ତଙ୍କ ବନ୍ଧୁ ସନ୍ଦୀପ ସିଂ ଏକ ସାକ୍ଷାତକାରରେ ଅନେକ କଥା କହିଛନ୍ତି । ସେ ସମସ୍ତଙ୍କୁ ଏକ କ୍ଲିନ୍ ଚିଟ୍ ଦେଇଥିଲେ ।

ତରୁଣ ଖାନ୍ନା କହିଛନ୍ତି ଯେ, କେହି ସୁଶାନ୍ତଙ୍କ ସତ୍ୟତାକୁ ନେଇ କଥା ହେବାକୁ ଚାହୁଁନାହାନ୍ତି । କିନ୍ତୁ ଯେତେବେଳେ ତାଙ୍କ ଘରେ ବସୁଥିଲେ ଏବଂ ତାଙ୍କ ଟଙ୍କା ରେ ଖାଉଥିଲେ ସେତେବେଳେ ସେ ତାଙ୍କର ସମର୍ଥକ ଥିଲେ । ଆଜି ସେ ଆମ ଗହଣରେ ନାହାନ୍ତି । ସେ ସମସ୍ତଙ୍କୁ ସନ୍ଦୀପ ସିଂଙ୍କ ସାକ୍ଷାତକାରକୁ ଦେଖିବାକୁ କହିଥିଲେ । ସୁଶାନ୍ତଙ୍କୁ ତିଆରି କରିବାରେ ଯେମିତି ସନ୍ଦୀପଙ୍କ ହାତ ରହିଛି ସେହିଭଳି ସେ କଥାବାର୍ତ୍ତା କରିଛନ୍ତି । ଏହା ସହ ତରୁଣ କହିଛନ୍ତି ଯେ, ଆରେ ଭାଇ ତୁମେ କିଏ?

ଏହା ସହ ସେ ବଡ ବଡ ଷ୍ଟାରମାନଙ୍କ ଉପରେ ପ୍ରଶ୍ନ ଉଠାଇଛନ୍ତି । ଅମିତାଭ ବଚ୍ଚନ, ଅକ୍ଷୟ କୁମାର, ଶାହରୁଖ ଖାନ, ସଲମାନ ଖାନ୍, ରଣବୀର ସିଂହ, ରଣବୀର କପୁର, ଏମାନେ ସବୁ କଣ ପାଇଁ ଚୁପ ଅଛନ୍ତି ବୋଲି କହିଛନ୍ତି ତରୁଣ । ଏମାନେ ମଧ୍ୟ ସିବିଆଇ ଯାଞ୍ଚର ଦାବି କରିପାରିବେ ହେଲେ ସମସ୍ତେ ଚୁପ୍ ଅଛନ୍ତି । ସୁଶାନ୍ତଙ୍କର ଇଣ୍ଡଷ୍ଟ୍ରିରେ କୌଣସି ଗଡଫାଦର ନଥିଲେ କିମ୍ବା ସେ କୌଣସି ବଡ ନିର୍ଦ୍ଦେଶକ ବା ପ୍ରଯୋଜକଙ୍କ ପୁଅ ଥିଲେ । ସେଥିପାଇଁ ତାଙ୍କ ବିଷୟରେ କେହି ଇଣ୍ଡଷ୍ଟ୍ରିରେ କଥା ହେଉନାହାନ୍ତି । ଏହା ସହ ଭିଡିଓରେ ତରୁଣ ଶେଖର ସୁମନ୍ ଓ ଶେଖର କପୁରଙ୍କୁ ରିୟଲ ହିରୋ ବୋଲି କହିଛନ୍ତି । କାରଣ ଏମାନେ ସୁଶାନ୍ତଙ୍କ ମୃତ୍ୟୁ ପରେ ସିବିଆଇ ଯାଞ୍ଚ ପାଇଁ ଦାବି କରିଛନ୍ତି ।

Leave a Reply