ନନ୍ଦିଘୋଷ ବ୍ୟୁରୋ: ପାଟକୁରା ଡେରାବିଶ ଅଳବାଙ୍କ ଛକ ପାରାଦ୍ୱୀପ – ଚଣ୍ଡିଖୋଲ ଏନଏଚରେ ମର୍ମନ୍ତୁଦ ଦୁର୍ଘଟଣା। ଟ୍ୟାଙ୍କର ଧକ୍କାରେ ଦୁଇ ବାଇକ ଆରୋହୀଙ୍କ ମୃତ୍ୟୁ। ସକାଳୁ ଚାନ୍ଦବାଲିକୁ ଫେରୁଥିବା ବେଳେ ପେଟ୍ରୋଲ ଟ୍ୟାଙ୍କର ପଛ ପଟୁ ଦ୍ରୁତ ଗତିରେ ଆସି ଧକ୍କା ଦେଇଥିଲା। ଫଳରେ ଦୁଇ ଜଣଙ୍କ ଘଟଣାସ୍ଥଳରେ ମୃତ୍ୟୁ ହୋଇଛି। ଟ୍ୟାଙ୍କରଟି ଏତେ ଦୃତ ଗତିରେ ଆସୁଥିଲା ଯେ ବାଇକକୁ ଅଧ କିଲୋ ମିଟର ଯାଏ ଘୋଷାଡ଼ି ନେଇଥିଲା। ମୃତକ ୨ ଜଣ ସଢ଼ୁ ହୋଇଥିବା ସୂଚନା।
ତାଙ୍କ ନାମ ଅଜୟ ଦାଶ ଓ ଭବାନୀ ଶଙ୍କର ମହାପାତ୍ର। ଦୁହେଁ କାଲି ମାହାଙ୍ଗା ଅଞ୍ଚଳରୁ ଶଶୁର ଘରୁ ଭୋଜି ଖାଇ ସକାଳୁ ଘରକୁ ଫେରୁଥିଲେ।ଘଟଣାସ୍ଥଳରେ ଚାପା ଉତେଜନା ପ୍ରକାଶ ପାଇଛି। ଉତ୍ତ୍ୟକ୍ତ ଲୋକେ ରାସ୍ତା ରୋକ କରିଛନ୍ତି। ଫଳରେ ଗାଡ଼ି ଚଳାଚଳ ବାଧା ପ୍ରାପ୍ତ ହୋଇଛି।
