ଜାତୀୟ ରାଜପଥ-୧୬ ଅବରୋଧ କଲେ ତାମିଲନାଡ଼ୁ ଫେରନ୍ତା

ଭଦ୍ରକ: ରାଜ୍ୟକୁ ଫେରିବା ପରେ ଅମାନିଆ ହେଉଛନ୍ତି ପ୍ରବାସୀ । କେତେବେଳେ କ୍ୱାରେଣ୍ଟାଇନ୍ ସେଣ୍ଟରରେ ଖାଇବା ଫିଙ୍ଗୁଛନ୍ତି ତ କେବେ ଗେଟ୍ ଭାଙ୍ଗି ପଳାଉଛନ୍ତି । ଏବେ ପୁଣି ରାସ୍ତା ଅବରୋଧ କରିଛନ୍ତି ତାମିଲନାଡ଼ୁ ଫେରନ୍ତା ପ୍ରବାସୀ । ଗତକାଲି ତାମିଲନାଡ଼ୁ କୋଏମ୍ବଟୁରରେ ଫସିଥିବା ଶ୍ରମିକ ସ୍ୱତନ୍ତ୍ର ଟ୍ରେନ୍ ଯୋଗେ ଭଦ୍ରକରେ ପହଞ୍ଚିଥିଲେ ।

ପ୍ରଶାସନ ପକ୍ଷରୁ ସେମାନଙ୍କୁ ୧୬ ନମ୍ବର ଜାତୀୟ ରାଜପଥର ରିଲିଆନ୍ସ ପେଟ୍ରୋଲ ପମ୍ପ ନିକଟରେ ଥିବା କ୍ୱାରେଣ୍ଟାଇନ ସେଣ୍ଟରରେ ରଖାଯାଇଥିଲା । ସକାଳେ ଖାଇବାକୁ ଦିଆଯାଇ ନଥିବା ଅଭିଯୋଗ କରି ଫେରନ୍ତାମାନେ ରାସ୍ତା ଅବରୋଧ କରିଥିଲେ । ଭଦ୍ରକ ଗ୍ରାମାଞ୍ଚଳ ପୋଲିସ ପହଞ୍ଚି ବୁଝାସୁଝା କରିବା ପରେ ରାସ୍ତା ଅବରୋଧ ହଟିଛି ।