ଲକ୍ଡାଉନ୍ ଅବଧି ବୃଦ୍ଧି କଲେ ତାମିଲନାଡ଼ୁ ସରକାର
1 min read
ନୂଆଦିଲ୍ଲୀ: ଲକ୍ଡାଉନ୍ ୩.୦ର ଶେଷ ଦିନରେ ମହାରାଷ୍ଟ୍ର ଏବଂ ପଞ୍ଜାବ ପରେ ତାମିଲନାଡ଼ୁ ସରକାର ନିଜ ରାଜ୍ୟରେ ଲକ୍ଡାଉନ୍ ଅବଧିକୁ ବୃଦ୍ଧି କରିଛନ୍ତି । ତାମିଲନାଡୁ ମୁଖ୍ୟମନ୍ତ୍ରୀ ପଲାନୀସ୍ୱାମୀ ରାଜ୍ୟରେ ଲକ୍ଡାଉନ୍ ୪.୦ ଲାଗୁ କରାଯିବାକୁ ନେଇ ବିଜ୍ଞପ୍ତି ଜାରି କରିଛନ୍ତି । ମଇ ୩୧ ଯାଏଁ ଲକଡାଉନକୁ ବୃଦ୍ଧି କରିଛନ୍ତି ତାମିଲନାଡ଼ୁ ସରକାର । ତେବେ ପୂର୍ବରୁ ତେଲେଙ୍ଗାନା ସରକାର ମଧ୍ୟ ମଇ ୨୯ ଯାଏଁ ଲକ୍ଡାଉନ୍ ଅବଧିକୁ ବୃଦ୍ଧି କରିଛନ୍ତି । ତାମିଲନାଡ଼ୁ ପୂର୍ବରୁ ମହାରାଷ୍ଟ୍ର ସରକାର ଲକ୍ଡାଉନ୍ ଅବଧିକୁ ୩୧ ମଇ ଯାଏଁ ବୃଦ୍ଧି କରିଛନ୍ତି । କୋଭିଡ-୧୯ର ମୁକାବିଲା ନେଇ ମୁଖ୍ୟମନ୍ତ୍ରୀ ଉଦ୍ଧବ ଠାକ୍ରେ ଲକ୍ଡାଉନ୍ ୪.୦କୁ ମଇ ୩୧ ଯାଏଁ ବୃଦ୍ଧି କରିଛନ୍ତି । ଏହାର ୨ ଦିନ ପୂର୍ବରୁ ହଟସ୍ପଟ ଅଞ୍ଚଳରେ ଲକଡାଉନ୍ ବୃଦ୍ଧି କରାଯାଇଥିବା ବେଳେ ଆଜି ସାରା ରାଜ୍ୟରେ ଲକ୍ଡାଉନ ଲାଗୁ କରାଯାଇଛି ।
