ଏମକେ ଷ୍ଟାଲିନଙ୍କ ପୁଅ ଉଦୟନିଧିଙ୍କୁ ଗୁରୁଦାୟିତ୍ବ

ଚେନ୍ନାଇ : ତାମିଲନାଡୁ ମୁଖ୍ଯମନ୍ତ୍ରୀ ଏମକେ ଷ୍ଟାଲିନଙ୍କ ପୁଅ ଉଦୟନିଧିଙ୍କୁ ଗୁରୁଦାୟିତ୍ବ। ତାଙ୍କୁ କରାଯାଇଛି ଉପମୁଖ୍ଯମନ୍ତ୍ରୀ। ଏହା ସହ ଡିଏମକେର ଆଉ ୪ ବିଧାୟକଙ୍କୁ କରାଯାଇଛି ମନ୍ତ୍ରୀ। ରାଜ୍ଯପାଳ ଆର.ଏନ. ରବି ସମସ୍ତଙ୍କୁ ପଦ ଓ ଗୋପନୀୟତାର ଶପଥ ପାଠ କରାଇଥଇଲେ। ରାଜଭବନନରେ ଆୟୋଜିତ ଏକ ଉତ୍ସବରେ ଏହି ଉତ୍ସବ ଅନୁଷ୍ଠିତ ହୋଇଥିଲା। ଅର୍ଥ ଅନିୟମିତା ଅଭିଯୋଗରେ ଗିରଫ ହୋଇ ସୁପ୍ରିମକୋର୍ଟରୁ ଜାମିନରେ ଆସିଥିବା ଡିଏମକେ ନେତା ଭି. ସେନ୍ଥିଲ ବାଲାଜି, ଆର. ରାଜେନ୍ଦ୍ରନ, ଗୋବି ଚେଜିଆନ ଓ ଏସ.ଏମ. ନାସରଙ୍କୁ ମନ୍ତ୍ରୀପଦ ମିଳିଛି। ସେନ୍ଥିଲଙ୍କୁ ବିଦ୍ଯୁତ, ଅବକାରୀ ଦାୟିତ୍ବ ମିଳିଛି। ଚେଜିଆନଙ୍କୁ ଉଚ୍ଚଶିକ୍ଷା, ଇଲେକ୍ଟ୍ରୋନିକସ, ରାଜେନ୍ଦ୍ରନଙ୍କୁ ପର୍ଯ୍ୟଟନ, ନାସରଙ୍କୁ ସଂଖ୍ଯାଲଘୁ ବିଭାଗ ମିଳିଛି।