ଏହି ତାମିଲ ଅଭିନେତ୍ରୀ କଲେ ଆତ୍ମହତ୍ୟା ଉଦ୍ୟମ
ମୁମ୍ବାଇ: ସାଉଥ ଅଭିନେତ୍ରୀ ବିଜୟଲକ୍ଷ୍ମୀ ଆତ୍ମହତ୍ୟା ଉଦ୍ୟମ କରିଛନ୍ତି । ଏବେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ଆତ୍ମହତ୍ୟା ଉଦ୍ୟମ ପୂର୍ବରୁ ବିଜୟଲକ୍ଷ୍ମୀ ଫେସବୁକରେ ଏକ ଭିଡିଓ ପୋଷ୍ଟ କରିଥିଲେ । ଭିଡିଓରେ ବିଜୟଲକ୍ଷ୍ମୀ କହିଥିଲେ ଯେ, କିଛି ସମୟ ମଧ୍ୟ ସେ ତାଙ୍କର ମୃତ୍ୟୁ ହେବ । ଏହାପୂର୍ବରୁ ଅଭିନେତ୍ରୀ ସୋସିଆଲ ମିଡିଆରେ ଭିଡିଓ ସେୟାର କରିଥିଲେ । ଯେଉଁଥିରେ ସେ କହିଥିଲେ ଯେ ସୋସିଆଲ ମିଡିଆ ମାଧ୍ୟମରେ ତାଙ୍କୁ ବହୁତ ହଇରାଣ କରାଯାଉଛି, ଯେଉଁଥିପାଇଁ ସେ ଅନେକ ଅସୁବିଧାର ସମ୍ମୁଖୀନ ହୋଇଛନ୍ତି ।
ଫେସବୁକରେ ଏକ ଭିଡିଓ ପୋଷ୍ଟରେ ବିଜୟଲକ୍ଷ୍ମୀ କହିଛନ୍ତି ଯେ, ଏହା ତାଙ୍କର ଶେଷ ଭିଡିଓ। ଗତ ଚାରିମାସ ଧରି, ସେ ସିମନ ଓ ତାଙ୍କ ପାର୍ଟିର ଲୋକମାନଙ୍କ ଯୋଗୁଁ ଅବସାଦଗ୍ରସ୍ଥ ହୋଇଥିଲେ । ନିଜ ପରିବାର ପାଇଁ ଜୀବନ୍ତ ରହିବାକୁ ଚେଷ୍ଟା କରିଛନ୍ତି କିନ୍ତୁ ଆଉ କଷ୍ଟ ସହିପାରୁନାହାନ୍ତି ବୋଲି ସେ କହିଛନ୍ତି । ସିମନ ଓ ହରି ନାଦର ତାଙ୍କୁ ବହୁତ ଅପମାନିତ କରିଛନ୍ତି ବୋଲି ବିଜୟଲକ୍ଷ୍ମୀ ସ୍ପଷ୍ଟ କରିଛନ୍ତି । “ସେ ରକ୍ତଚାପର ବଟିକା ଖାଇଥିଲେ ଓ କିଛି ସମୟ ମଧ୍ୟରେ, ତାଙ୍କର ରକ୍ତଚାପ ସଂପୂର୍ଣ୍ଣ ହ୍ରାସ ହେବା ସହ ତାଙ୍କର ମୃତ୍ୟୁ ହେବ” । ତାଙ୍କ ମୃତ୍ୟୁ, ଲୋକଙ୍କ ପାଇଁ ଏକ ଉଦାହରଣ ହେବା ଉଚିତ । ଏବଂ ସେ ତାଙ୍କ ପ୍ରଶଂସକମାନଙ୍କୁ ନିବେଦନ କରିଛନ୍ତି ଯେ, ହରି ନାଦରଙ୍କ ଭଳି ଲୋକଙ୍କୁ ଉଚିତ ଶିକ୍ଷା ମିଳିବା ଜରୁରୀ । ଅଭିନେତ୍ରୀଙ୍କ ମାନସିକ ସ୍ତରରେ ଶୋଷଣ କରିଥିବାରୁ ତାଙ୍କୁ କଠୋର ଦଣ୍ଡ ମିଳିବା ଆବଶ୍ୟକ ।
