ଓହରିଲେ ଆମେରିକୀୟ ସେନା: ତାଲିବାନି କବ୍ଜାରେ କାବୁଲ ବିମାନ ବନ୍ଦର
FILE PHOTO: A member of Taliban (C) stands outside Hamid Karzai International Airport in Kabul, Afghanistan, August 16, 2021. REUTERS/Stringer
କାବୁଲ: ତାଲିବାନ କବ୍ଜାରେ କାବୁଲ ବିମାନ ବନ୍ଦର । ତିନୋଟି ଗେଟ୍ରୁ ଓହରିଲା ଆମେରିକା ସେନା । ଡ୍ରୋନ୍ ଷ୍ଟ୍ରାଇକ୍ ପରେ ଆତଙ୍କୀ ସାବାଡ ହୋଇଥିବା ବେଳେ ଆଉ ଆତଙ୍କୀ ହମଲା ହେବ ନାହିଁ ବୋଲି ଆଶା କରାଯାଉଛି । ଗତକାଲି ସନ୍ଧ୍ୟାରେ ଗୁଳି ମାଡ ହୋଇଥିବା ବେଳେ ସ୍ଥିତିକୁ ତୁରନ୍ତ ନିଜ ଅଧିନକୁ ଆଣିଥିଲା ଆମେରିକା ସେନା ।
ଅନ୍ୟପକ୍ଷରେ ତାଲିବାନର ଅକ୍ତିଆରର ବାହାରେ ଥିବା ପଞ୍ଜସୀରକୁ ଦଖଲ କରିଛନ୍ତି ଆତଙ୍କୀ । କିନ୍ତୁ ଏଭଳି ଖବରକୁ ଅହମଦ ମସୁଦର ସମର୍ଥକ ଖଣ୍ଡନ କରିଛନ୍ତି । ଏପର୍ଯ୍ୟନ୍ତ ପଞ୍ଜସୀର ଉପରେ ତାଲିବାନ୍ କବ୍ଜା କରିପାରିନାହିଁ । କିନ୍ତୁ ଅନବରତ ପ୍ରୟାସ ଜାରି ରହିଛି ବୋଲି କହିଛନ୍ତି ଅହମ୍ମଦ ମସୁଦର ସମର୍ଥକ । ସେପଟେ ଆମେରିକାର ବିରୋଧୀ ଦଳ ନେତା କେଭିନ ମ୍ୟାକର୍ଥୀ ରାଷ୍ଟ୍ରପତି ଜୋ ବାଇଡେନ୍ ସମାଲୋଚନା କରିଛନ୍ତି । ଆଫଗାନିସ୍ତାନରେ ବିସ୍ଫୋରଣ ଦ୍ୱାରା ୧୩ ଆମେରିକା ସେନା ଶହୀଦ ହେବା ପରେ ଦଳର ସାଂସଦ ବାଇଡେନ୍ଙ୍କୁ ସମାଲୋଚନା କରିଛନ୍ତି । ଅଗଷ୍ଟ ୩୧ ସୁଦ୍ଧା ଆମେରିକା ଆଫଗାନିସ୍ତାନରୁ ସେନା ପ୍ରତ୍ୟାହାର କରିବ ବୋଲି କହିଛି । କିନ୍ତୁ ଯେ ପର୍ଯ୍ୟନ୍ତ ଆମେରିକା ସମସ୍ତ ଆମେରିକୀୟ ନାଗରିକଙ୍କୁ ଉଦ୍ଧାର ନ କରିଛି, ସେଯାଏ ଆଫଗାନିସ୍ତାନରେ ଆମେରିକା ସେନା ରହିବା ଦରକାର ବୋଲି ବିରୋଧୀ ଦଳ ନେତା କହିଛନ୍ତି ।
