ପଞ୍ଜଶିରର ୪ ଜିଲ୍ଲା କବଜାକୁ ନେଇଥିବା ନେଇ ତାଲିବାନର ଦାବି

Taliban Claim To Have Captured 4 Districts In Panjshir Valley

କାବୁଲ: ଆମେରିକା ସେନା ଫେରିବା ସହ ପୂରା ଆଫଗାନିସ୍ତାନକୁ କବଜା କରି ନେଇଛି ତାଲିବାନ । ରାଜଧାନୀ କାବୁଲ ସହ ପୂରା ଦେଶକୁ କାବୁଲ ୨୦ ଦିନରୁ ଅଧିକ ଦିନ ହେଲା ହାତକୁ ନେଇଛି । ତଥାପି ଆଫଗାନିସ୍ତାନର ପଞ୍ଜଶିର ଏବେବି ତାଲିବାନ ଠାରୁ ଦୂରରେ । ପଞ୍ଜଶିରକୁ ହାତେଇବା ଲାଗି ବିରୋଧୀଙ୍କ ସହ ଲଗାତାର ଲଢ଼ୁଛି ତାଲିବାନ । ମିଡିଆ ରିପୋର୍ଟରେ ଅନୁସାରେ, ପଞ୍ଜଶିରର ୪ ଜିଲ୍ଲାକୁ ନିଜ କବଜାକୁ ନେଇ ତାଲିବାନ ଦାବି କରିଛି । ଯାହାକୁ ଅଗ୍ରାହ୍ୟ କରିଛନ୍ତି ବିରୋଧୀ ଦଳ ।

ପଞ୍ଜଶିରରେ ୪ ଜିଲ୍ଲା ବନ୍ଦ, ପାରୈନ, ଖିଞ୍ଜ ଓ ଅବଶରକୁ କବଜା କରି ନେଇଥିବା ତାଲିବାନ ଦାବି କରିଛି । ତେବେ ଏହି ଦାବିକୁ ପ୍ରତିପକ୍ଷ ଅଗ୍ରାହ୍ୟ କରି ଦେଇଛନ୍ତି । ବିରୋଧୀଙ୍କ କହିବା ଅନୁସାରେ, ସଂଘର୍ଷ ପରେ ତାଲିବାନ ପଛକୁ ଫେରି ଯାଇଛି । ତାଲିବାନ କହିଛି ୪ ଜିଲ୍ଲା ହାତେଇବା ପରେ ଓନୋବା ଜିଲ୍ଲା କବଜା କରିବାକୁ ସଂଘର୍ଷ ଜାରି ରହିଛି ।

ତାଲିବାନ ପଞ୍ଜଶିରରେ ସମସ୍ତ ପ୍ରକାର ଦୂରସଞ୍ଚାର ସେବାକୁ ବନ୍ଦ କରି ଦେଇଛି । ଫଳରେ ଉଭୟ ପକ୍ଷ କରୁଥିବା ଦାବିକୁ ନେଇ କୌଣସି ପ୍ରକାର ସ୍ପଷ୍ଟ ସୂଚନା ମିଳିପାରୁନାହିଁ । କାବୁଲ ଠାରୁ ଉତ୍ତରରେ ୯୦ ମାଇଲରେ ଦୂରରେ ରହିଛି ପଞ୍ଜଶିର ଘାଟି । ୨୦ ବର୍ଷ ତଳେ ବି ପଞ୍ଜଶିର ଘାଟି ତାଲିବାନ ଶାସନ ଠାରୁ ମୁକ୍ତ ଥିଲା । ତାଲିବାନ ପଞ୍ଜଶିରକୁ କେବେ କବଜା କରିପାରିନାହିଁ ।

Leave a Reply