ଭୁବନେଶ୍ବର: ସାରା ରାଜ୍ଯରେ ଅସମ୍ଭାଳ ତାତି। ଆକାଶରୁ ବର୍ଷୁଛି ନିଆଁ । ପ୍ରବଳ ଗ୍ରୀଷ୍ମ ପ୍ରବାହରେ ଅସ୍ତବ୍ଯସ୍ତ ଜନଜୀବନ । ମୁଣ୍ଡ ଫଟା ଖରା ସାଙ୍ଗକୁ ଅସହ୍ଯ ଗୁଳୁଗୁଳି। ଆଜି ସକାଳ ୮ଟା ୩୦ ସୁଦ୍ଧା ରେକର୍ଡ ତାପମାତ୍ରା। ତାଳଚେରରେ 35 ଡିଗ୍ରୀ , ଭବାନୀପାଟଣାରେ 34.5ଡିଗ୍ରୀ, ଟିଟିଲାଗଡ଼ରେ 33.4ଡିଗ୍ରୀ, ଝାରସୁଗୁଡାରେ 33ଡିଗ୍ରୀ, ବାରିପଦାରେ 33 ଡିଗ୍ରୀ, ବାଲେଶ୍ୱରରେ 32.2ଡିଗ୍ରୀ, ଭୁବନେଶ୍ୱରରେ 31.8ଡିଗ୍ରୀ, ଚାନ୍ଦବାଲିରେ 31.6ଡିଗ୍ରୀ, କେନ୍ଦୁଝରରେ 31.6ଡିଗ୍ରୀ, ସମ୍ବଲପୁରରେ 31.6ଡିଗ୍ରୀ, ପୁରୀରେ 31ଡିଗ୍ରୀ, ବୌଦ୍ଧରେ 31ଡିଗ୍ରୀ, ରାଉରକେଲାରେ 30.8ଡିଗ୍ରୀ, ପାରାଦୀପରେ 30.6ଡିଗ୍ରୀ ତାପମାତ୍ରା ରହିଛି।
ଖରାକୁ ଦୃଷ୍ଟିରେ ରଖି ପ୍ରଶାସନ ଓ ଘରୋଇ ଅନୁଷ୍ଠାନ ପକ୍ଷରୁ ବିଭିନ୍ନ ସ୍ଥାନରେ ଖୋଲିଛି ଜଳଛତ୍ର ଓ ସେବା କେନ୍ଦ୍ର। ୧୧ଟା ପରେ ବେପାର ନଥିବାରୁ ଦୋକାନ ସବୁ ବନ୍ଦ ହୋଇଯାଉଛି। ତେବେ ଥଣ୍ଡା ପାନୀୟ ଦୋକାନରେ ଲାଗୁଛି ଭିଡ଼।
