ଶତ୍ରୁ ଘେରିଥିବାବେଳେ ତାଇୱାନ ସେନାକୁ ଶକ୍ତ ଧକ୍କା

ତାଇପେଇ: ତାଇୱାନ ସେନାକୁ ଶକ୍ତ ଧକ୍କା  । ଦେଶର ସୀମାକୁ ଶତ୍ରୁ ଘେରି ରହିଥିବାବେଳେ ଆସିଛି ଏକ ଦୁଃଖଦ ଖବର  । ତାଇୱାନ ପ୍ରତିରକ୍ଷା ଓ ରିସର୍ଚ୍ଚ ୱିଙ୍ଗର ଉପ-ପ୍ରମୁଖଙ୍କ ସନ୍ଦେହଜନକ ଅବସ୍ଥାରେ ମୃତଦେହ ମିଳିଛି  । ସେନା ଇନଷ୍ଟିଚ୍ୟୁଟର ଉପ-ପ୍ରମୁଖ ଓ ୟାଙ୍ଗ ଲି ହିଙ୍ଗଙ୍କ ମୃତଦେହ ଏକ ହୋଟେଲରୁ ମିଳିଛି  ।  ଲି ହିଙ୍ଗ ଦକ୍ଷିଣ କାଉଣ୍ଟିରେ ଏକ ବ୍ୟବସାୟିକ ଯାତ୍ରାରେ  ଥିଲେ  ।

ତାଇୱାନର ବିଭିନ୍ନ ମିସାଇଲ ଉତ୍ପାଦନ ପରିଯୋଜନାର ରକ୍ଷଣାବେକ୍ଷଣ ପାଇଁ ନ୍ୟାଶନାଲ ଚୁଙ୍ଗ ଶାନ ଇନଷ୍ଟିଚ୍ୟୁଟ ଅଫ ସାଇନ୍ସ ଆଣ୍ଡ ଟେକ୍ନୋଲୋଜିରେ ଲି ହିଙ୍ଗଙ୍କୁ ଦାୟିତ୍ବ ମିଳିଥିଲା  ।

ଚଳିତ ବର୍ଷ ତାଇୱାନ ସେନା ବାର୍ଷିକ ମିସାଇଲ କ୍ଷମତାକୁ ଦୁଇ ଗୁଣ ବୃଦ୍ଧି କରିବା କରିବା ପାଇଁ ପ୍ରୟାସ ଜାରି ରଖିଛି  । ଏହି ଦ୍ବୀପ ଦେଶ ଚୀନ ସେନାକୁ ଟକ୍କର ଦେବା ପାଇଁ ନିଜ ପ୍ରତିରକ୍ଷା କ୍ଷମତା ବଢାଇବା ପାଇଁ ଅଗ୍ରସର ହେଉଛି  । ଠିକ ଏହି ସମୟରେ ଲି ହିଙ୍ଗଙ୍କ ମୃତ୍ୟୁ ତାଇୱାନର ମନୋବଳ ଉପରେ ଶକ୍ତ ଧକ୍କା ଦେଇଛି  ।

ନିକଟରେ ବେଜିଂ ଚୀନର ତଥାକଥିତ ନୀତି ଆପଣାଇ ତାଇୱାନ ପ୍ରତି କଡା ଆଭିମୁଖ୍ୟ ପ୍ରଦର୍ଶନ କରୁଛି  । ଆମେରିକା ସଂସଦ ଅଧ୍ୟକ୍ଷ ନାନ୍ସୀ ପେଲୋସୀଙ୍କ ଗସ୍ତ ପରେ ତାଇୱାନକୁ ଚାରିପଟୁ ଘେରି ସମରାଭ୍ୟାସ ଜାରି ରଖିଛି  । ୨୫ ବର୍ଷ ମଧ୍ୟରେ ପ୍ରଥମ ଥର ଆମେରିକାର ସଂସଦ ଅଧ୍ୟକ୍ଷ ତାଇୱାନ ଗସ୍ତ କରିଛନ୍ତି  ।

ସେପଟେ ତାଇପେ ସେନା କହିଛି ଯେ ଚୀନ ପିଏଲଏର ପ୍ରାୟ ୬୮ ଲଢୁଆ ବିମାନ ଏବଂ ୧୩ଟି ଯୁଦ୍ଧ ଜାହାଜ ମଧ୍ୟ ରେଖାକୁ ଅତିକ୍ରମ କରିଛି ।