ତାଇଓ୍ବାନ ଉପରାଷ୍ଟ୍ରପତି ଓ୍ବିଲିୟମ ଲାଇଙ୍କ ଆମେରିକା ଗସ୍ତ, ଚୀନର ଜୋରଦାର ବିରୋଧ

ନୂଆଦିଲ୍ଲୀ: ଆମେରିକା ଗସ୍ତରେ ତାଇଓ୍ବାନ ଉପରାଷ୍ଟ୍ରପତି ଓ୍ବିଲିୟମ ଲାଇ । ଓ୍ବିଲିୟମ ଲାଇଙ୍କ ଆମେରିକା ଗସ୍ତକୁ ସହଜରେ ଗ୍ରହଣ କରୁନି ଚୀନ । ଦୁଇ ସୁପରପାଓ୍ବାର ମଧ୍ୟରେ କଳି । ବେଜିଂ କହିଛି- ଓ୍ବିଲିୟମ ଲାଇ ଜଣେ ବିଚ୍ଛିନ୍ନତାବାଦୀ ଓ ସମସ୍ୟା ସୃଷ୍ଟି କରୁଥିବା ବ୍ୟକ୍ତି । ନିଜର ସାର୍ବଭୌମତ୍ବର ସୁରକ୍ଷା ଲାଗି ଚୀନ କଠୋର ପଦକ୍ଷେପ ନେବ । ଆସନ୍ତା ଜାନୁଆରୀରେ ତାଇଓ୍ବାନରେ ରାଷ୍ଟ୍ରପତି ନିର୍ବାଚନ ହେବାକୁ ଯାଉଥିବାବେଳେ ଓ୍ବିଲିୟମ ରାଷ୍ଟ୍ରପତି ପ୍ରାର୍ଥୀ ହେବାକୁ ଯାଉଛନ୍ତି । ଏଭଳି ସମୟରେ ତାଙ୍କର ଆମେରିକା ଗସ୍ତ ଗୁରୁତ୍ବପୂର୍ଣ୍ଣ ହୋଇଛି । ତାଇଓ୍ବାନକୁ ଚୀନ ନିଜର ଅଧୀନସ୍ଥ ଅଞ୍ଚଳ ବୋଲି ଦାବି କରୁଥିବାବେଳେ ଆମେରିକା ସହ ତାଇଓ୍ବାନର ସମ୍ପର୍କରେ ଚୀନ ସହଜରେ ଗ୍ରହଣ କରିପାରୁନାହିଁ । ତାଇଓ୍ବାନ ବିଚ୍ଛିନ୍ନତାବାଦୀଙ୍କ ଆମେରିକା ଗସ୍ତକୁ ଚୀନ ତୀବ୍ର ବିରୋଧ କରୁଛି ବୋଲି କହିଛି ଚୀନ ବୈଦେଶିକ ମନ୍ତ୍ରାଳୟ । ଦେଶର ଜାତୀୟ ସାର୍ବଭୋମତ୍ବ ଓ ସୀମାର ସୁରକ୍ଷା କରାଯିବ ବୋଲି କହିଛନ୍ତି ମନ୍ତ୍ରାଳୟ । ନ୍ୟୁୟର୍କରେ ପହଞ୍ଚିବା ପରେ ଓ୍ବିଲିୟମଙ୍କୁ ଭରପୂର ସ୍ବାଗତ କରାଯାଇଛି । ସେପଟେ ତାଇଓ୍ବାନ ନିକଟରେ ଚୀନ ମିଲିଟାରୀ ଡ୍ରିଲ କରିବ ବୋଲି ସୂଚନା ମିଳିଛି ।