ଭିଜିଲାନ୍ସ ଜାଲରେ ତହସିଲଦାର, ୧୫ ହଜାର ଟଙ୍କା ଲାଞ୍ଚ ନେବାବେଳେ ଧରିଲା ଭିଜିଲାନ୍ସ

କରଞ୍ଜିଆ: ଭିଜିଲାନ୍ସ ଜାଲରେ ତହସିଲଦାର। କରଞ୍ଜିଆ ରରୁଆଁ ତହସିଲଦାର ସତ୍ୟସୁନ୍ଦର ରାଉତ ଜମି ପଟ୍ଟା କରିବା ପାଇଁ ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରାପଡ଼ିଛନ୍ତି । ଜମି ପଟ୍ଟା ପାଇଁ ୪୦ ହଜାର ଟଙ୍କା ଲାଞ୍ଚ ନେବାକୁ ଚୁକ୍ତି କରିଥିଲେ । ଆଗରୁ ୨୫ ହଜାର ଟଙ୍କା ନେଇଥିବା ବେଳେ ଆଜି ୧୫ ହଜାର ଟଙ୍କା ଲାଞ୍ଚ ନେଉଥିଲେ । ଲାଞ୍ଚ ନେବା ସମୟରେ ଭିଜିଲାନ୍ସ ତାଙ୍କୁ ରେଡ୍‌ ହ୍ୟାଣ୍ଡେଡ୍ ଧରିଛି । ଲାଞ୍ଚ କାରବାର ପାଇଁ ମଧ୍ୟସ୍ଥି ସାଜିଥିଲେ ଅମିନ କମଳ ପାତ୍ର । ଚକ୍ରଧର ମହାନ୍ତଙ୍କଠାରୁ ଜମି ପଟ୍ଟା କରିବା ପାଇଁ ଟଙ୍କା ନେଉଥିବାବେଳେ ଧରାପଡ଼ିଛନ୍ତି ତହସିଲଦାର ସତ୍ୟସୁନ୍ଦର ରାଉତ । ଏହାପରେ ଏକକାଳୀନ କେନ୍ଦୁଝର, ବାଲେଶ୍ୱର, ମୟୂରଭଞ୍ଜରେ ଭିଜିଲାନ୍ସ ଟିମ୍ ଚଢ଼ାଉ କରିଛି ।