ପ୍ରଶ୍ନବାଣରେ ରାଣାକୁ ଘାଇଲା କରିବ NIA, ଆତଙ୍କବାଦୀ ଷଡଯନ୍ତ୍ରର ଫିଟିବ ଗୁମର

ନନ୍ଦିଘୋଷ ବ୍ୟୁରୋ: NIA ପଞ୍ଝାରେ ରାଣା । ବିଭିନ୍ନ ପ୍ରଶ୍ନବାଣରେ ତହୱୁର ରାଣାଙ୍କୁ ଘାଇଲା କରିବ NIA ।  ୨୦୦୮ ମୁମ୍ବାଇ ଆତଙ୍କବାଦୀ ଆକ୍ରମଣର ମୁଖ୍ୟ ଷଡ଼ଯନ୍ତ୍ରକାରୀ ତହୱୁର ରାଣାଙ୍କୁ ଏନଆଇଏ  ପଚରାଉଚରା ଆରମ୍ଭ କରିଛି । ଆମେରିକାରୁ ପ୍ରତ୍ୟାର୍ପଣ କରାଯାଇଥିବା ରାଣାଙ୍କୁ ୨୬/୧୧ ଆକ୍ରମଣ ଯୋଜନା, ଲସ୍କର-ଏ-ତୈବା ଏବଂ ଆଇଏସଆଇ ସହିତ ତାଙ୍କର ସମ୍ପର୍କ ବିଷୟରେ ପଚରାଉଚରା କରାଯାଉଛି । ଏନଆଇଏ ରାଣାଙ୍କ ପରିବାର ଇତିହାସ ଏବଂ ୨୬/୧୧ ଆକ୍ରମଣରେ ତାଙ୍କର ଭୂମିକା ବିଷୟରେ ତଦନ୍ତ କରୁଛି NIA । ରାଣା ଏପ୍ରିଲ ୨୯ ପର୍ଯ୍ୟନ୍ତ NIA ହେପାଜତରେ ରହିବେ ଏବଂ ନିଜକୁ ଯେମିତି ସେ କ୍ଷତି ନପହଞ୍ଚାଇବେ ପାଇଁ ସେନେଇ ତାଙ୍କୁ କଡା ସୁରକ୍ଷା ମଧ୍ୟରେ ରଖାଯାଇଛି । ସୂତ୍ର ଅନୁଯାୟୀ, ଗୁଇନ୍ଦା ସଂସ୍ଥା ତାଙ୍କୁ ୨୬/୧୧ ଆକ୍ରମଣ ଯୋଜନାର ମାଷ୍ଟରମାଇଣ୍ଡ ଏବଂ ତାଙ୍କର ଭୂମିକା, ପାକିସ୍ତାନର ଗୁଇନ୍ଦା ସଂସ୍ଥା ISI ସହିତ ସମ୍ପର୍କ ଏବଂ ଆତଙ୍କବାଦୀ ସଂଗଠନ ଲସ୍କର-ଏ-ତୈବା ସହିତ ତାଙ୍କର ସମ୍ପର୍କ ବିଷୟରେ ପଚରାଉଚରା କରିବ ।

ପ୍ରଥମ ପର୍ଯ୍ୟାୟ ପଚରାଉଚରାରେ NIA ତହୱୁର ରାଣାଙ୍କୁ ତାଙ୍କ ପାରିବାରିକ ସମ୍ପର୍କ ବିଷୟରେ ପଚରାଉଚରା କରିବ। ଏହା ପରେ, ୨୬/୧୧ ଆକ୍ରମଣରେ ତାଙ୍କର ଭୂମିକା ବିଷୟରେ ପଚରାଉଚରା ଆରମ୍ଭ ହେବ। ତଦନ୍ତ ସମ୍ପର୍କରେ ଏକ ରିପୋର୍ଟ ପ୍ରସ୍ତୁତ କରାଯିବ ଏବଂ ଏହାର ରେକର୍ଡ କରାଯିବ । ପଚରାଉଚରା ସମୟରେ, ସେ ଯେପରି ନିଜକୁ କୌଣସି ପ୍ରକାରର କ୍ଷତି ନକରନ୍ତି, ସେଥିପ୍ରତି ଧ୍ୟାନ ଦିଆଯିବ। ଏହାସହିତ ତଦନ୍ତକାରୀମାନେ ରାଣାଙ୍କୁ କିଏ ପାଣ୍ଠି ଦେଉଥିଲା, ସ୍ଲିପର ସେଲ୍ ସହିତ ତାଙ୍କର ଲିଙ୍କ୍ ଏବଂ ତାଙ୍କ ବ୍ୟବସାୟିକ ସହଯୋଗୀଙ୍କ ପରିଚୟ ବିଷୟରେ ମଧ୍ୟ ପଚରାଉଚରା କରିବେ । ତାଙ୍କୁ ଆର୍ଥିକ ସାହାଯ୍ୟ କରିଥିବା ଲୋକମାନେ କିଏ ଥିଲେ ଏହାର ମଧ୍ୟ ଖୁଲାସା କରିବେ ।

୨୬/୧୧ ମୁମ୍ବାଇ ଆକ୍ରମଣର ଅନ୍ୟତମ ମାଷ୍ଟରମାଇଣ୍ଡ ତାହାଓ୍ବର ହୁସେନ ରାଣାକୁ ଆମେରିକା ଭାରତକୁ ପ୍ରତ୍ୟାର୍ପଣ କରିବା ପରେ ତା’କୁ ଜାତୀୟ ତଦନ୍ତକାରୀ ସଂସ୍ଥା(ଏନଆଇଏ) ଗିରଫ କରିଛି। ୨୦୦୮ରେ ଘଟିଥିବା ଏହି ଆକ୍ରମଣରେ ୧୬୬ ଜଣଙ୍କ ଜୀବନ ଯାଇଥିଲା। ଘଟଣାର ୫ ଦିନ ପୂର୍ବରୁ ରାଣା ଭାରତ ଆସି ଆକ୍ରମଣର ଯୋଜନା ପ୍ରସ୍ତୁତ କରିଥିଲା। ଆକ୍ରମଣ ପରେ ରାଣା ଘଟଣାର ଅନ୍ୟତମ ମାଷ୍ଟରମାଇଣ୍ଡ ଡେଭିଡ କୋଲମ୍ୟାନ ହେଡ୍‌ଲିକୁ ଫୋନ କରିଥିଲା। ଆକ୍ରମଣ ପୂର୍ବରୁ ଏବଂ ପରେ ହେଡଲି ସହିତ ରାଣା ବହୁବାର ଯୋଗାଯୋଗରେ ଥିଲା। ଉଭୟେ ପିଲାଦିନର ସାଙ୍ଗ ଥିଲେ। ଆକ୍ରମଣ ପରେ ରାଣା ଫୋନ କରି ହେଡଲିକୁ ଭାରତ ବିରୋଧରେ ଯାହା କହିଥିଲା ତାହା ଏବେ ସାମ୍ନାକୁ ଆସିଛି।

ଏନ୍‌ଆଇଏ ଦ୍ବାରା ଆନୁଷ୍ଠାନିକ ଗିରଫ ହୋଇଥିବା ତହବୁରକୁ ତିହାର ଜେଲରେ ରଖାଯିବ ବୋଲି ଜଣାପଡ଼ିଛି। ତହବୁର ଆଗମନକୁ ଦୃଷ୍ଟିରେ ରଖି କେନ୍ଦ୍ରୀୟ କାରାଗାର ଚାରିପଟେ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି  । ରାଣାଙ୍କୁ NIA ମୁଖ୍ୟାଳୟରେ ଏକ କଡା ସୁରକ୍ଷା ବଳୟରେ ରଖାଯାଇଛି, ଯାହା CCTV କ୍ୟାମେରା ଦ୍ୱାରା ନଜର ରଖାଯାଇଛି। ୧୪×୧୪ କୋଠରୀରେ ଖାଦ୍ୟ ଏବଂ ଅନ୍ୟାନ୍ୟ ସାମଗ୍ରୀ ବ୍ୟବସ୍ଥା କରାଯାଉଛି। ପଚରାଉଚରାରୁ ରକ୍ଷା ପାଇବା ପାଇଁ ସେ ଯେପରି ନିଜକୁ କ୍ଷତି ନପହଞ୍ଚାନ୍ତି, ସେଥିପାଇଁ ବିଶେଷ ସତର୍କତା ଅବଲମ୍ବନ କରାଯାଇଛି ।