ମୋଷ୍ଟ ୱାଣ୍ଟେଡ ଆତଙ୍କବାଦୀ ତହବ୍ବୁର ହୁସେନ ରାଣା ଗିରଫ,୨୬-୧୧ ମୁମ୍ବାଇ ଆକ୍ରମଣ ସହ ଥିଲା ସମ୍ପର୍କ

ମୁମ୍ବାଇ: ୨୬/୧୧ ମୁମ୍ବାଇ ଆକ୍ରମଣର ମୋଷ୍ଟ ୱାଣ୍ଟେଡ ଆତଙ୍କବାଦୀ ତହବ୍ବୁର ହୁସେନ ରାଣା ଗିରଫ ହୋଇଛି । ଆମେରିକା ପୋଲିସ ଅଧିକାରୀ ପାକିସ୍ତାନୀ ଆତଙ୍କବାଦୀ ତହବ୍ବୁର ହୁସେନ ରାଣାକୁ ଗିରଫ କରିଛନ୍ତି । ହୁସେନ ୨ ଦିନ ପୂର୍ବରୁ ଜେଲରୁ ମୁକୁଳିଥିଲା ହେଲେ ପୁଣି ଥରେ ତାକୁ ଗିରଫ କରାଯାଇଛି । ତହବ୍ବୁର ହୁସେନ କରୋନା ହୋଇଥିବା ନେଇ ଏକ ପିଟିସନ  ଆଧାରରେ  ଜେଲରୁ ମୁକୁଳିଥିଲା ।

ହୁସେନକୁ ଭାରତକୁ ପ୍ରତ୍ୟର୍ପଣ କରିବା ପାଇଁ ଭାରତ ଆମେରିକା ନିକଟରେ ବାରମ୍ବାର ଦାବି କରିଆସୁଛି । ୨୦୦୮ ମୁମ୍ବାଇ ଆକ୍ରମଣରେ  ତହବ୍ବୁର ହୁସେନର ସଂପୃକ୍ତି ଥିଲା, ହେଲେ ସେ ଖସି ଆମେରିକାରେ ଥିବା ତାର ଜଣେ ଆତଙ୍କି ସାଥୀ ସହ ଆତଙ୍କବାଦୀ କାର୍ଯ୍ୟକଳାପ ଚଳାଉଥିଲା । ଯାହା ଫଳରେ ଏବେ ସେ ଆମେରିକାର ଏକ ଜେଲରେ ରହିଛି ।