ଗେଣ୍ଡୁ ଫୁଲ ଚାଷ କରି ଚର୍ଚ୍ଚାରେ ଅଣ୍ଢରା ଗ୍ରାମର ଅମ୍ବିକା

ପଟ୍ଟାମୁଣ୍ଡାଇ : ଗେଣ୍ଡୁ ଫୁଲ ଚାଷରେ ପୂର୍ବତନ ମହିଳା ସରପଞ୍ଚ । ନିଜେ ସ୍ବାଲମ୍ବି ହେବା ସହ ଅନ୍ୟ ପାଇଁ ସାଜିଛନ୍ତି ପ୍ରେରଣାର ଉତ୍ସ । ପଟ୍ଟାମୁଣ୍ଡାଇ ଅଣ୍ଢରା ଗାଁର ଅମ୍ବିକା ମଲିକଙ୍କୁ ସବୁଠି ପ୍ରଶସା ।ସେ ନିଜ ଜମିରେ ଚାଷ କରିଛନ୍ତି ଗେଣ୍ଡୁ ଓ ସୂର୍ଯ୍ୟମୁଖୀ ସହ ଅନେକ ପନି ପରିବା । ତେବେ ସେ ଗଣ୍ଡୁ ଫୁଲକୁ ମୁଖ୍ୟ ରୋଜଗାରର ମାଧ୍ୟମ କରିଛନ୍ତି । ପରୀକ୍ଷାମୂଳକ ଭାବେ ୨ବର୍ଷ ହେବ ଗେଣ୍ଡୁଫୁଲ ଚାଷ କରି ସେ ବେଶ ସଫଳତା ପାଇଛନ୍ତି ।  ଅମ୍ବିକାଙ୍କୁ ଚାଷରେ ସହଯୋଗର ହାତ ବଢ଼ାଇଛନ୍ତି ସ୍ୱାମୀ ସଞ୍ଜୟ ।

ଚାଷ ଦ୍ୱାରା ଅମ୍ବିକା ନିଜେ ସ୍ୱାବଲମ୍ବୀ ହେବା ସହିତ ୮ ରୁ ୧୦ ପରିବାରକୁ ଯୋଗାଇଛନ୍ତି ନିଯୁକ୍ତି ସୁଯୋଗ । ଅମ୍ବିକାଙ୍କୁ ଦେଖି ଏବେ ଅଞ୍ଚଳର ଅନେକ ଲୋକ ଗେଣ୍ଡୁଫୁଲ ଚାଷ ପ୍ରତି ମନ ବଳାଇଛନ୍ତି । ଏହି ଚାଷ ନିଶ୍ଚିତ ରୂପେ ଯୁବପିଡିଙ୍କୁ ନଯୁକ୍ତି ଯୋଗାଇ ପାରିବ ବୋଲି କହିଛନ୍ତି ଅମ୍ବିକା । ସରକାରଙ୍କ ତରଫରୁ ସହାୟତା ଯୋଗାଇ ଦେଲେ କେନ୍ଦ୍ରାପଡ଼ା ଜିଲ୍ଲା ସମେତ ଓଡିଶାର ବିଭିନ୍ନ ଜାଗାକୁ ଫୁଲ ଯୋଗାଇବାରେ ସମର୍ଥ ହେବେ ବୋଲି କହିଛନ୍ତି ଅମ୍ବିକା ଓ ସଞ୍ଜୟ ।