ଟି-୨୦ ବିଶ୍ୱକପ: ଆଜିଠୁ ଆରମ୍ଭ ହେବ ସୁପର-୧୨ ପର୍ଯ୍ୟାୟ ମ୍ୟାଚ୍

ୟୁଏଇ:  ଆହୁରି ରୋମାଞ୍ଚକର ହେବ ଟି-୨୦ କ୍ରିକେଟ୍ ବିଶ୍ୱକପ୍ । ଆଜିଠୁ ଆରମ୍ଭ ହେବାକୁ ଯାଉଛି ସୁପର୍ ଟୁଏଲଭ୍ ପର୍ଯ୍ୟାୟ । ସୁପର୍ ଟୁଏଲଭ୍ ପର୍ଯ୍ୟାୟରେ ପହଞ୍ଚିଛନ୍ତି ସ୍କଟଲ୍ୟାଣ୍ଡ, ବାଂଲାଦେଶ, ଶ୍ରୀଲଙ୍କା ଓ ନାମିମ୍ୱିଆ । ଭାରତ ସହ ଗ୍ରୁପ ବି ରେ ରହିଛନ୍ତି ପାକିସ୍ତାନ, ନ୍ୟୁଜିଲାଣ୍ଡ, ଆଫଗାନିସ୍ତାନ, ନାମ୍ବିଆ ଓ ସ୍କଟଲ୍ୟାଣ୍ଡ । ଆଜି ସୁପର ଟୁଏଲଭର ପ୍ରଥମ ଦିନରେ ହେବ ଡବଲ ଫାଇଟ୍ । ଅପରାହ୍ନ ୩ଟା ୩୦ ମିନିଟରେ ଅଷ୍ଟ୍ରେଲିଆ ଓ ଦକ୍ଷିଣ ଆଫ୍ରିକା ମଧ୍ୟରେ ହେବ ଟକ୍କର ସେହିଭଳି ସନ୍ଧ୍ୟା ୭ଟା ୩୦ରେ ମୁହାଁମୁହିଁ ହେବେ ୱେଷ୍ଟଇଣ୍ଡିଜ ଓ ଇଂଲଣ୍ଡ । ସେପଟେ କାଲି ହେବାକୁ ଯାଉଛି ହାଇଭୋଲଟେଜ୍ ଫାଇଟ । ସନ୍ଧ୍ୟା ୭ଟାରେ ମୁହାଁମୁହଁ ହେବେ ଭାରତ ଓ ପାକିସ୍ତାନ । ଏହି ମ୍ୟାଚ୍ ଉପରେ ରହିଛି ବିଶ୍ବବାସୀଙ୍କ ନଜର । ଭାରତ ପାକିସ୍ତାନ ବିରୋଧରେ ଆରମ୍ଭ କରିବାକୁ ଯାଉଛି ଟି-୨୦ ବିଶ୍ୱକପ୍ ଅଭିଯାନ  ।