T20 ବିଶ୍ବକପ୍: ଆଜି ଭାରତ-ଦକ୍ଷିଣ ଆଫ୍ରିକା ମୁକାବିଲା
1 min read
ପର୍ଥ: ଟି୨୦ ବିଶ୍ବକପର ସୁପର ସଣ୍ଡେରେ ଆଜି ଦେଖିବାକୁ ମିଳିବ ସୁପର ଫାଇଟ୍ । ପର୍ଥରେ ଦକ୍ଷିଣ ଆଫ୍ରିକାକୁ ଭେଟିବ ଟିମ୍ ଇଣ୍ଡିଆ । ଅପରାହ୍ନ ୪ଟା ୩୦ରୁ ଆରମ୍ଭ ହେବ ମ୍ୟାଚ୍ । ଚଳିତ ଟ୍ବେଣ୍ଟି-୨୦ ବିଶ୍ବକପ୍ରେ ଭାରତ ପ୍ରଥମ ଦୁଇଟି ମ୍ୟାଚ୍ ଜିତି ସେମିଫାଇନାଲ୍ ଦୌଡ଼ରେ ଆଗରେ ରହିଛି । ଦୁଇଟି ମ୍ୟାଚ ଜିତି ୪ପଏଣ୍ଟ ସହ ପଏଣ୍ଟ ଟେବୁଲର ଶୀର୍ଷରେ ରହିଛି ଦଳ ।
୧୧ ଜଣଙ୍କ ମଧ୍ୟରେ କେବଳ କେ.ଏଲ୍ ରାହୁଲଙ୍କୁ ଛାଡ଼ି ଦେଲେ ଅନ୍ୟମାନେ ପ୍ରଭାବୀ ପ୍ରଦର୍ଶନ ଦେଇ ଚାଲିଛନ୍ତି । ହେଲେ ରାହୁଲ ଦୁଇଟି ମ୍ୟାଚ୍ରେ ମାତ୍ର ୧୩ ରନ୍ କରିଛନ୍ତି । ତେଣୁ ଆଜି ଖେଳାଳି ତାଲିକାରେ ପରିବର୍ତ୍ତନ ନେଇ ଆକଳନ କରିଛନ୍ତି କ୍ରୀଡାବିତ୍ ।
ଅନ୍ୟପକ୍ଷରେ ଦକ୍ଷିଣ ଆଫ୍ରିକା ୨ଟି ମ୍ୟାଚ ଖେଳିଥିବାବେଳେ ଗୋଟିଏ ମ୍ୟାଚ ବର୍ଷା କାରଣରୁ ବାତିଲ ହୋଇଥିଲା । ତେଣୁ ପଏଣ୍ଟ ଟେବୁଲର ଦ୍ବିତୀୟ ସ୍ଥାନରେ ରହିଛି । ପ୍ରଥମ ମ୍ୟାଚ ଜିମ୍ବାଓ୍ବେ ସହ ବାତିଲ ହୋଇଥିଲା । ତେବେ ଦ୍ବିତୀୟ ମ୍ୟାଚରେ ବାଂଲାଦେଶରୁ ହରାଇ ୩ ପଏଣ୍ଟ ହାସଲ କରିଛି ଦଳ । ତେଣୁ ଆଜି ମ୍ୟାଚ ଜିତିବାକୁ ଦଳ ଭରପୂର ଉଦ୍ୟମ କରିବ ।
ତେଣେ ଆଜିର ମ୍ୟାଚକୁ ନେଇ ସାରା ଦେଶରେ ଦେଖିବାକୁ ମିଳୁଛି ନାହିଁ ନଥିବା ଉତ୍ସାହ । ଓଡ଼ିଶାର ବିଭିନ୍ନ ସ୍ଥାନରୁ ଭାରତୀୟ କ୍ରିକେଟରଙ୍କ ପାଇଁ ବିଜୟ ଆର୍ଶୀବାଦ ଛୁଟିବାରେ ଲାଗିଛି ।
