ଭାରତ ଆଗରେ ଟାର୍ଗେଟ ୧୬୦, ଅର୍ଶଦୀପ-ପାଣ୍ଡ୍ୟାଙ୍କ ଚମତ୍କାର ବୋଲିଂ

ମେଲବର୍ଣ୍ଣ: ଭାରତ ସାମ୍ନାରେ ଟାର୍ଗେଟ ୧୬୦  । ପ୍ରତିଦ୍ୱନ୍ଦୀ ଦଳ ପାକିସ୍ତାନକୁ ପରାସ୍ତ କରିବାକୁ ହେଲେ ନିର୍ଦ୍ଧାରିତ ୨୦ ଓଭରରେ ୧୬୦ ରନ୍ ହାସଲ କରିବାକୁ ପଡିବ । କାରଣ ପ୍ରଥମେ ବ୍ୟାଟିଂ କରି ପାକିସ୍ତାନ ୨୦ ଓଭରରେ ୮ ୱିକେଟ ହରାଇ ହାସଲ କରିଛି ୧୫୯ ରନ୍  ।   ପାରମ୍ପରିକ ପ୍ରତିଦ୍ବନ୍ଦୀ ଭାରତ ଓ ପାକିସ୍ତାନ ମଧ୍ୟରେ ଖେଳାଯାଉଛି ମ୍ୟାଚ୍ । ପ୍ରଥମେ ଟସ୍ ଜିତିବା ସ୍ୱତେ ଭାରତ ବୋଲିଂ ନିଷ୍ପତ୍ତି ନେଇଥିଲା । ପାକିସ୍ତାନ ପ୍ରଥମେ ବ୍ୟାଟିଂ କରିଥିଲା  । ଭାରତ ପକ୍ଷରୁ ଅର୍ଶଦୀପ ଏବଂ ହାର୍ଦ୍ଧିକ ପାଣ୍ଡ୍ୟା ତିନୋଟି ଲେଖାଏଁ ୱିକେଟ ନେଇ ପାକିସ୍ତାନକୁ ଅଟକାଇଥିଲେ  ।

ଅନ୍ୟପଟେ ପାକିସ୍ତାନର ବ୍ୟାଟ୍ସମ୍ୟାନ ଇପ୍ତିଖାର ଅହମ୍ମଦ ୩୪ ବଲରେ ୫୧ ରନ୍ ସଂଗ୍ରହ କରିଥିଲେ  । ତେବେ ଭାରତ ବର୍ତ୍ତମାନ ଦିତ୍ୱୀୟ ଇଂନିସରେ ମଇଦାନକୁ ଅବର୍ତ୍ତୀଣ୍ଣ ହୋଇଛି  । ଦଳ ପକ୍ଷରୁ କେଏଲ ରାହୁଲ ଏବଂ ଅଧିନାୟକ ରୋହିତ ଶର୍ମା କ୍ରିଜକୁ ଓହ୍ଲାଇଛନ୍ତି  । ତେବେ ଭାରତର ବିଜୟ ଆଶାକୁ ଚାହିଁ ରହିଛନ୍ତି ପ୍ରଶଂସକ  ।

ପାକିସ୍ତାନର ଓ୍ବିକେଟ ନେଇ ଭାରତକୁ ସଫଳତା ଦେଇଥିଲେ ଅର୍ଶଦୀପ ସିଂହ । ଘାତକ ବୋଲିଂ କରି ଦୁଇ ଓପନରଙ୍କୁ ଆଉଟ କରିଛନ୍ତି ଅର୍ଶଦୀପ । ଟି-ଟ୍ବେଣ୍ଟି ମୁକାବିଲାରେ ଆଜି ଖେଳାଯାଉଛି ହାଇଭୋଲଟେଜ୍ ମ୍ୟାଚ୍ । ପ୍ରଥମ ମ୍ୟାଚରେ ବିଜୟ ହାସଲ କରି ବିଶ୍ବକପ ଅଭିଯାନ ଆରମ୍ଭ କରିବାକୁ ଲକ୍ଷ୍ୟ ରଖିଛି ଭାରତ । ବିଶ୍ବକପରେ ପାକିସ୍ତାନ ଉପରେ ଭାରତର ଆଧିପତ୍ୟ ରହିଆସିଛି । ୨୦୨୧ ବିଶ୍ବକପରେ ଭାରତ ବିପକ୍ଷରେ ପାକିସ୍ତାନ ତାର ପରାଜୟ ଧାରା ଭାଙ୍ଗିଥିଲେ ସୁଦ୍ଧା ଭାରତ ୫-୧ରେ ଆଗୁଆ ରହିଛି । ଆଜି ମ୍ୟାଚ ଜିତି ପୁଣି ଥରେ ବିଜୟ ଧାରାକୁ ଫେରିବାକୁ ଲକ୍ଷ୍ୟ ରଖିଛି ରୋହିତ ବିଗ୍ରେଡ ।