ପୂର୍ବ ଲଦାଖ୍ରେ ଶକ୍ତି ବଢ଼ାଉଛି ଭାରତ: ଟି-୯୦ ଭୀଷ୍ମ ଟ୍ୟାଙ୍କ ସମେତ ଅନ୍ୟ ଯୁଦ୍ଧାସ୍ତ୍ର ନିୟୋଜିତ
ଲଦାଖ୍: ପୂର୍ବ ଲଦାଖରେ ଶକ୍ତି ବଢ଼ାଉଛି ଭାରତ । ସୀମାରେ ଆଉ ପୂର୍ବ ଭଳି ସ୍ଥିତି ନାହିଁ । ଲେହରୁ ୨୦୦ କିଲୋମିଟର ଦୂରରେ ବି ଟ୍ୟାଙ୍କ ସହ ବିଭିନ୍ନ ଯୁଦ୍ଧାସ୍ତ୍ର ମୁତୟନ କରି ପ୍ରସ୍ତୁତ ରହିଛି ଭାରତ । ଯେକୌଣସି ମୁହୁର୍ତ୍ତରେ ଚୀନକୁ ଜବାବ ଦେବାକୁ ପ୍ରସ୍ତୁତ ରହିଛି । ଭାରତର ପ୍ରସ୍ତୁତ ଦେଖି ଜଣାପଡ଼ୁଛି ଯେ ଏଥର ଚୀନ ଭୁଲରେ ବି ଭୁଲ କଲେ ଶୋଚନୀୟ ସ୍ଥିତିର ସାମ୍ନା କରିବ । ୧୬ ହଜାରରୁ ୧୮ ହଜାର ଫୁଟ ଉଚ୍ଚତାରେ ମଧ୍ୟ ଭାରତୀୟ ସେନା ପ୍ରସ୍ତୁତ ଅଛନ୍ତି । ଭାରତୀୟ ସେନା ସେଠାରେ କ୍ୟାମ୍ପ ପକାଇ ଆସନ୍ତା ଶୀତ ଦିନ ପାଇଁ ପ୍ରସ୍ତୁତ ଥିବା ବେଳେ ଟ୍ୟାଙ୍କ, କ୍ଷେପଣାସ୍ତ୍ର ମୁତୟନ ରହିଛି । ଆବଶ୍ୟକ ପଡିଲେ କିଛି ମିନିଟ ଭିତରେ ସୀମା ଭିତରକୁ ପ୍ରବେଶ କରି ଟ୍ୟାଙ୍କ ଶତ୍ରୁପକ୍ଷକୁ ଧୁଳିସାତ କରିଦେବ । ଭାରତ ଓ ଚୀନ ମଧ୍ୟରେ କୋର କମାଣ୍ଡର ସ୍ତରୀୟ ବୈଠକରେ କୌଣସି ଫଳ ନମିଳିବାରୁ ଭାରତ ଏଥର ସବୁ ସ୍ଥିତି ପାଇଁ ସଜାଗ ରହିଛି ।
