ସିଡନୀ ଟେଷ୍ଟ: ଭାରତୀୟ ଖେଳାଳିଙ୍କ କରୋନା ରିପୋର୍ଟ ନେଗେଟିଭ
1 min read
ନୂଆଦିଲ୍ଲୀ: ସିଡ୍ନୀ ଟେଷ୍ଟ ପୂର୍ବରୁ ଆସିଛି ଖୁସି ଖବର । ମ୍ୟାଚର ଅବ୍ୟବହିତ ପୂର୍ବରୁ ଭାରତୀୟ କ୍ରିକେଟ ଟିମର ଖେଳାଳି ଓ ଷ୍ଟାଫଙ୍କ କରୋନା ଟେଷ୍ଟ କରାଯାଇଥିଳା । ଯାହା ପରେ ସବୁ ଖେଳାଳିଙ୍କ କରୋନା ଟେଷ୍ଟ ରିପୋର୍ଟ ନେଗେଟିଭ୍ ଆସିଛି ।
ଏ ନେଇ ଭାରତୀୟ କ୍ରିକେଟ୍ କଣ୍ଟ୍ରୋଲ ବୋର୍ଡ ପକ୍ଷରୁ ସୂଚନା ଦିଆଯାଇଛି ।
କ୍ରିକେଟର ମାନେ ନିଉ ଇୟରରେ ଏକ ରେଷ୍ଟୁରାଣ୍ଟରେ ଡିନର କରୁଥିବା ଦେଖାଯାଇଥିଲା । ଏହାପରେ ରୋହିତ ଶର୍ମାଙ୍କ ସମେତ ଶୁଭମନ ଗୀଲ୍, ରୀଷଭ୍ ପନ୍ତ, ନବଦୀପ ସୋନୀ ଓ ପୃଥ୍ୱୀ ଶଙ୍କୁ ଆଇସୋଲେଶନରେ ରଖାଯାଇଥିଲା । ତେବେ ରେଷ୍ଟୁରାଣ୍ଟରେ ଭାରତୀୟ ଟିମ୍ର ଖେଳାଳି କୌଣସି ପ୍ରୋଟୋକୋଲ ଭାଙ୍ଗି ନ ଥିବା କହିଥିଲା ବିସିସିଆଇ ।
ସେପଟେ ଭାରତ-ଅଷ୍ଟ୍ରେଲିଆ ମଧ୍ୟରେ ଚାଲିଥିବା ଟେଷ୍ଟ ସିରିଜ୍ର ଦୁଇଟି ମ୍ୟାଚ୍ ଶେଷ ହୋଇଛି । ଏବେ ସ୍କୋର ୧-୧ରେ ବରାବର ରହିଥିବା ବେଳେ ତୃତୀୟ ମ୍ୟାଚ୍ ଜାନୁୟାରୀ ୭ ତାରିଖରେ ସିଡ୍ନୀ କ୍ରିକେଟ୍ ଗ୍ରାଉଣ୍ଡରେ ଖେଳାଯିବ ବୋଲି ସୂଚନା ମିଳିଛି । ଯେଉଁଥିପାଇଁ ଟିମ୍ ଇଣ୍ଡିଆ ସୋମବାର ଦିନ ଚାଟାର୍ଡ ଫ୍ଲାଇଟ୍ ରେ ମେଲବର୍ଣ୍ଣରୁ ସିଡନୀ ଅଭିମୁଖେ ବାହାରିବେ । ସେଠାରେ ପହଞ୍ଚିବା ପରେ ଦୁଇ ଦିନ ଅଭ୍ୟାସ୍ କରିବ ଟିମ୍ । ଏହା ପୂର୍ବରୁ ଟିମ୍ ପକ୍ଷରୁ ମେଲବର୍ଣ୍ଣରେ ଅଭ୍ୟାସ୍ କରାଯାଇ ଥିଲା ।
