ସିଡନୀ ଟେଷ୍ଟ: ୨୪୪ରନ୍ରେ ଅଲ୍ଆଉଟ୍ ଭାରତ: ୯୪ ରନ୍ରେ ଆଗୁଆ ଅଷ୍ଟ୍ରେଲିଆ
ସିଡନୀ: ସ୍ଥାନୀୟ କ୍ରିକେଟ ଷ୍ଟାଡିୟମରେ ଖେଳାଯାଉଥିବା ତୃତୀୟ ଟେଷ୍ଟ ମ୍ୟାଚ୍ର ତୃତୀୟ ଦିବସରେ ୨୪୪ରେ ଅଲ୍ଆଉଟ ହୋଇଯାଇଛି ଟିମ୍ ଇଣ୍ଡିଆ । ଚଳିତ ଟେଷ୍ଟ ସିରିଜରେ ପ୍ରଥମ ଥର ପାଇଁ ଖେଳୁଥିବା ରୋହିତ ଶର୍ମା ମାତ୍ର ୨୬ ରନ୍ କରି ଆଉଟ୍ ହୋଇଯାଇଥିବା ବେଳେ ତାଙ୍କ ସହିତ ଓପନିଂ କରିବାକୁ ଆସିଥିବା ଶୁଭମନ୍ ଗିଲ୍ ୫୦ ରନ୍ କରିଛନ୍ତି ।
ଏଥିସହିତ ତୃତୀୟ ନମ୍ୱରରେ ବ୍ୟାଟିଂ କରିବାକୁ ଆସିଥିବା ଚେତେଶ୍ୱର ପୂଜାରା ମଧ୍ୟ ୫୦ ରନ୍ କରିଛନ୍ତି । ତେବେ ରିଷଭ ପନ୍ଥ, ଅଜଙ୍କ୍ୟା ରାହାଣେ, ରବୀନ୍ଦ୍ର ଜାଡେଜା ଭଲ ଆରମ୍ଭ କରିଥିଲେ ମଧ୍ୟ ବଡ଼ ସ୍କୋର କରିପାରିନଥିଲେ । ଅଶ୍ୱିନ୍ ୧୦, ନବଦୀପ ସାଇନି ୪, ଯଶପ୍ରୀତ ବୁମ୍ରା ୦, ମହମ୍ମଦ ସିରାଜ୍ ୬ ରନ୍ କରିଥିଲେ ।
ପୂର୍ବରୁ ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା ଅଷ୍ଟ୍ରେଲିଆ । ସମସ୍ତ ଓ୍ୱିକେଟ୍ ହରାଇ ୩୩୮ ରନ୍ କରିବାକୁ ସକ୍ଷମ ହୋଇଥିଲା ଅଷ୍ଟ୍ରେଲିଆ । ଓପନିଂ ବ୍ୟାଟିଂ କରିବାକୁ ଆସିଥିବା ପୁକଭସ୍କି ୬୨ ରନ୍ କରିଥିବା ବେଳେ ଲବୁସାଙ୍ଗେ ୯୧ ରନ୍ କରିଥିଲେ । ତେବେ ଅଷ୍ଟ୍ରେଲିଆ ପକ୍ଷରୁ ସ୍ଟିଭେନ ସ୍ମିଥ୍ ସର୍ବାଧିକ ୧୩୧ ରନ୍ କରିଥିଲେ ।
