ଆତ୍ମହତ୍ୟାଠାରୁ କମ୍ ଯନ୍ତ୍ରଣାଦାୟକ ମୃତ୍ୟୁ ପାଇଁ ଆସିଲା ମେସିନ

ନୂଆଦିଲ୍ଲୀ: ଯନ୍ତ୍ରଣା ବିହୀନ ମୃତ୍ୟୁ ଦେବ ମେସିନ । ମାତ୍ର ଗୋଟିଏ ମିନିଟରେ ଶାନ୍ତିର ମୃତ୍ୟୁ ଦେଇପାରିବ କଫିନ ସଦୃଶ୍ୟ ଏହି ମେସିନ । କଫିନ ଭଳି ଦେଖାଯାଉଥିବା ଏହି ସୁଇସାଇଡ୍ ମେସିନକୁ ଆଇନଗତ ମାନ୍ୟତା ଦେଇଛି ସୁଇଜରଲ୍ୟାଣ୍ଡ । ଏହି ମେସିନରେ ଅମ୍ଳଜାନ ହ୍ରାସ ହେବା ଯୋଗୁ ଜଣେ ବ୍ୟକ୍ତିଙ୍କର ହାଇପୋକ୍ସିଆ ଏବଂ ହାଇପୋକାପ୍ନିଆ ମାଧ୍ୟମରେ ମୃତ୍ୟୁ ଘଟିଥାଏ । ଯାହା ଆତ୍ମହତ୍ୟା ଠାରୁ କମ୍ ଯନ୍ତ୍ରଣାଦାୟକ । ଏହାକୁ ବ୍ୟବହାର କରୁଥିବା ବ୍ୟକ୍ତି ମେସିନ ଭିତରେ ରହି ଏହାକୁ ଅପରେଟ କରିପାରିବେ।

ଯେଉଁ ଲୋକମାନେ ଅତ୍ୟନ୍ତ ରୋଗାଗ୍ରସ୍ତ ଥିବେ, ବିଛଣାରୁ ଉଠିପାରୁ ନଥିବେ କିମ୍ବା ଯେଉଁ ରୋଗୀମାନଙ୍କ ଭଲ ହେବା ଅଶା ନଥିବ ସେମାନଙ୍କ ପାଇଁ ଏହି ମେସିନ୍‌ ବେଶ୍‌ ସହାୟକ ହେବ। ଉପଭୋକ୍ତାଙ୍କୁ ଏହି ମେସିନକୁ ନିଜ ପସନ୍ଦର ସ୍ଥାନକୁ ନେବାକୁ ପଡିବ। ଶରୀରର ସମସ୍ତ ଅଙ୍ଗ ଅଚଳ ହୋଇଥିଲେ ବି କେବଳ ଆଖି ମିଟି ମିଟିକା ଯୋଗେ ଏହାକୁ ଅପରେଟ କରିହେବ । ଆତ୍ମହତ୍ୟା କରିବାକୁ ଚାହୁଁଥିବା ବ୍ୟକ୍ତି ଜଣଙ୍କୁ ତାଙ୍କ ଇଚ୍ଛା ମୁତାବକ ସ୍ଥାନକୁ ନିଆଯାଇ କଫିନ ଭଳି ଦେଖାଯାଉଥିବା କ୍ୟାପସୁଲରେ ରଖାଯିବ । ସେଠାରେ ତାଙ୍କର ମୃତ୍ୟୁ ହେବା ପରେ ମେସିନକୁ ଜୈବିକ ଉପାୟରେ ନଷ୍ଟ ହୋଇପାରୁଥିବା କଫିନରୁ ଅଲଗା କରି ଦିଆଯାଇ ତାଙ୍କୁ କବର ଦିଆଯିବ ବୋଲି କହିଛି ଦାତବ୍ୟ ଅନୁଷ୍ଠାନ ଏକଜିଟ୍ ଇଣ୍ଟର ନ୍ୟାସନାଲ।

ସ୍ୱିଜରଲ୍ୟାଣ୍ଡରେ ସହାୟକ ଆତ୍ମହତ୍ୟା ଆଇନଗତ ଅଟେ । ଗତ ବର୍ଷ ପ୍ରାୟ ୧୩୦୦ ଲୋକ ଇୟୁଥାନାସିଆ ସଂଗଠନର ସେବା ବ୍ୟବହାର କରିଥିଲେ । ଏହି ଆତ୍ମହତ୍ୟାର ମେସିନ୍‌ ତିଆରି କରିବା ପାଇଁ ଅଣ-ଲାଭକାରୀ ସଂସ୍ଥା ଏକ୍‌ଜିଟ୍ ଇଣ୍ଟରନ୍ୟାସନାଲର ନିର୍ଦ୍ଦେଶକ ଏବଂ ‘ଡକ୍ଟର ଡେ୍‌ଥ’ କୁହାଯାଉଥିବା ଫିଲିପ୍ ନେଟ୍‌ଶ୍ଚକେଙ୍କ ଚିନ୍ତା କରିଥିଲେ ।