ସ୍ୱଚ୍ଛ ସର୍ଭେକ୍ଷଣ ୨୦୨୦ : କଠିନ ଓ ତରଳ ବର୍ଯ୍ୟବସ୍ତୁ ପରିଚାଳନାରେ ଓଡ଼ିଶା ୧ ନମ୍ବର, ମଧ୍ୟମ ସହରାଞ୍ଚଳ ବର୍ଗରେ ବ୍ରହ୍ମପୁର ବି ପୁରସ୍କୃତ

ଭୁବନେଶ୍ୱର: ସ୍ୱଚ୍ଛ ସର୍ଭେକ୍ଷଣ ୨୦୨୦ରେ ଓଡ଼ିଶା ପୁରସ୍କୃତ । ସାରା ଦେଶରେ ଓଡ଼ିଶାକୁ ଏକ ନମ୍ବର ସ୍ଥାନ ମିଳିଛି । କଠିନ ବର୍ଜ୍ୟବସ୍ତୁ ପରିଚାଳନା ଓ ତରଳ ବର୍ଜ୍ୟବସ୍ତୁ ପରିଚାଳାନ କ୍ଷେତ୍ରରେ ଓଡ଼ିଶାର ପ୍ରଦର୍ଶନ ସବୁଠାରୁ ଭଲ ରହିଛି । ସେଥିପାଇଁ ପ୍ରଧାନମନ୍ତ୍ରୀ ଓ କେନ୍ଦ୍ର ନଗର ଉନ୍ନୟନ ମନ୍ତ୍ରୀ ଏହି ପୁରସ୍କାର fastest mover state ଭାବେ ଓଡ଼ିଶାକୁ ଦେଇଛନ୍ତି । ୧୦୦ରୁ ଅଧିକ ପୌରାଞ୍ଚଳ ଥିବା ରାଜ୍ୟ ମଧ୍ୟରେ ଓଡ଼ିଶା ପ୍ରଥମ ଦଶରେ ଅଛି । ସର୍ବଶ୍ରେଷ୍ଠ ରାଜ୍ୟଙ୍କ ମଧ୍ୟରେ ଏହା ଦୃତଗତିରେ ଆଗକୁ ବଢୁଥିବା ରାଜ୍ୟର ମାନ୍ୟତା ପାଇଛି ।

ସେହିପରି ଭାବେ ବ୍ରହ୍ମପୁର ମହାନଗର ନିଗମକୁ best medium city in innovation and best practicesରେ ଏକ ନମ୍ବର ସହର ଭାବେ ପୁରସ୍କୃତ କରଯାଇଛି । ୩ରୁ ୧୦ ଲକ୍ଷ ଜନସଂଖ୍ୟା ଥିବା ସର୍ବଶ୍ରେଷ୍ଟ ସହର ଭାବେ ପୁରସ୍କୃତ ହୋଇଛି ବ୍ରହ୍ମପୁର । ଏଥିପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ବିଭାଗର ସମସ୍ତ ଅଧିକାରୀଙ୍କୁ ଧନ୍ୟବାଦ ଜଣାଇଛନ୍ତି ନଗର ଉନ୍ନୟନ ମନ୍ତ୍ରୀ ପ୍ରତାପ ଜେନା ।

ସ୍ୱଚ୍ଛ ସର୍ଭେକ୍ଷଣରେ ଜାତୀୟ ସ୍ତରରେ ସ୍ୱଚ୍ଛ ସହର ଭାବେ ଇନ୍ଦୋର ପ୍ରଥମ ପୁରସ୍କାର ପାଇଥିବା ବେଳେ ଗୁଜରାଟର ସୁରଟ ମହାନଗର ନିଗମ ଦ୍ୱିତୀୟ ପୁରସ୍କାର ପାଇଛି । ମହାରାଷ୍ଟର ନାଭା ମୁମ୍ବାଇ ମହାନଗର ନିଗମକୁ ତୃତୀୟ ପୁରସ୍କାର ଦିଆଯାଇଛି ।