ନନ୍ଦିଗ୍ରାମ ପାଇଁ ନାମାଙ୍କନ ଭରିଲେ ଶୁଭେନ୍ଦୁ ଅଧିକାରୀ
1 min read
କୋଲକାତା: ଆଜି ନନ୍ଦିଗ୍ରାମ ଆସନରେ ନାମାଙ୍କନ ଭରିଛନ୍ତି ବିଜେପି ପ୍ରାର୍ଥୀ ଶୁଭେନ୍ଦୁ ଅଧିକାରୀ । ମମତାଙ୍କୁ ଟକ୍କର ଦେବାକୁ ଶୁଭେନ୍ଦୁଙ୍କୁ ନନ୍ଦିଗ୍ରାମରୁ ପ୍ରାର୍ଥୀ କରିଛିବ ବିଜେପି । କେନ୍ଦ୍ର ମନ୍ତ୍ରୀ ସ୍ମୃତି ଇରାନୀ, ବାବୁଲ ସୁପ୍ରିୟୋ ଓ ଧର୍ମେନ୍ଦ୍ର ପ୍ରଧାନଙ୍କ ଉପସ୍ଥିତିରେ ଶୁଭେନ୍ଦୁ ନାମାଙ୍କନ ଦାଖଲ ଭରିଛନ୍ତି । ପ୍ରଥମେ ମନ୍ଦିରରେ ମା’ଙ୍କ ଦର୍ଶନ କରିବା ପରେ ଦଳୀୟ କର୍ମୀଙ୍କ ସହ ପଦଯାତ୍ରାରେ ସାମିଲ ହୋଇଥିଲେ ଶୁଭେନ୍ଦୁ । ଏହାପରେ ହଲଦିଆଠାରେ ନାମାଙ୍କନ ପତ୍ର ଦାଖଲ କରିଥିଲେ । ଏହି ଅବସରରେ ଏକ ଜନସଭାକୁ ସମ୍ବେଧିତ କରି ଦିଦିଙ୍କୁ ହରାଇବେ ବୋଲି ଦୃଢ଼ୋକ୍ତି ପ୍ରକାଶ କରିଛନ୍ତି । ଗତ ୧୦ ତାରିଖରେ ତୃଣମୂଳ କଂଗ୍ରେସ ପ୍ରାର୍ଥୀ ଭାବେ ମମତା ବାନାର୍ଜୀ ଏହି ଆସନରୁ ନାମାଙ୍କନ ଦାଖଲ କରିଥିଲେ । ନାମାଙ୍କ ଦାଖଲ କରି ଫେରୁଥିବା ବେଳେ ନନ୍ଦିଗ୍ରାମଠାରେ ମମତା ଆକ୍ରମଣର ଶିକାର ହୋଇଥିଲେ ।
