ପିଶାଚ ବାପାର ନାରକୀୟ କାଣ୍ଡ, ସ୍ତ୍ରୀ ଚରିତ୍ରକୁ ସନ୍ଦେହ କରି ଶିଶୁକନ୍ୟାର ଗୁପ୍ତାଙ୍ଗ କାଟିଲା ବାପା
ଭଦ୍ରକ: ପିଶାଚ ବାପର ନାରକୀୟ କାଣ୍ଡ । ସ୍ତ୍ରୀର ଚରିତ୍ରକୁ ସନ୍ଦେହ କରି ୩ ବର୍ଷ ଶିଶୁକନ୍ୟାର ଯୌନାଙ୍ଗ କାଟିଲା ନୃଶଂସ ବାପା । ଗୁରୁତର ଅବସ୍ଥାରେ ଝିଅକୁ ଭଦ୍ରକ ମେଡିକାଲରେ ଭର୍ତ୍ତି କରାଯାଇଥିବା ବେଳେ ଅଭିଯୁକ୍ତ ବାପାକୁ ପୋଲିସ ଅଟକ ରଖି ପଚରାଉଚରା କରୁଛି । ଭଦ୍ରକ ଜିଲ୍ଲା ଧୁଷୁରୀ ଥାନା କାଶୀମପୁର ପଞ୍ଚାୟତ ମଲ୍ଲିକ ସାହିରେ ଏଭଳି ଘଟଣା ଘଟିଛି ।
ଚନ୍ଦନ ମଲ୍ଲିକ ତାଙ୍କ ସ୍ତ୍ରୀ ଓ ତିନି ବର୍ଷର ଶିଶୁ କନ୍ୟା ସହ ରହୁଥିଲା । ପୂର୍ବରୁ ଅନେକ ଥର ସ୍ତ୍ରୀର ଚରିତ୍ରକୁ ସନ୍ଦେହ କରି ସ୍ତ୍ରୀକୁ ମାରଧର କରୁଥିଲା ଚନ୍ଦନ । ଗତକାଲି ପୁଣି ସମାନ ଘଟଣାରେ ଉଭୟଙ୍କ ମଧ୍ୟରେ ଝଗଡ଼ା ହୋଇଥିଲା । ଉତକ୍ଷିପ୍ତ ହୋଇ ଚନ୍ଦନ ଏପରି ନାରକୀୟ କାଣ୍ଡ ଘଟଣାଇଛି । ଶିଶୁକୁ ରକ୍ତ ଜୁଡୁବୁଡୁ ଅବସ୍ଥାରେ ଗ୍ରାମବାସୀ ଉଦ୍ଧାର କରି ମେଡିକାଲରେ ଭର୍ତ୍ତି କରିଛନ୍ତି । ପିଶାଚ ବାପାର ଗୋଡ଼ ଓ ହାତରେ ଲୁହା କଡ଼ି ପକାଇ ଗ୍ରାମବାସୀ ବାନ୍ଧି ପକାଇଥିଲେ । ପୋଲିସ ପହଞ୍ଚି ଚନ୍ଦନକୁ ଥାନାକୁ ଆଣି ପଚରାଉଚୁରା କରୁଛି ।
