ଖଇରାରେ ମହିଳାଙ୍କ ସନ୍ଦେହଜନକ ମୃତ୍ୟୁ, ମୃତ୍ୟୁ ପୂର୍ବରୁ ଇନଷ୍ଟାଗ୍ରାମରେ ଲେଖିଥିଲେ ଶେଷ କଥା

ସୋର: ସୋରରେ ମହିଳାଙ୍କ ସନ୍ଦେହ ଜନକ ମୃତ୍ୟୁ । ଗତକାଲି ବିଳମ୍ବିତ ରାତିରେ ମହିଳାଜଣକ କେଉଁଆଡେ ଚାଲି ଯାଇଥିବା ବେଳେ ଆଜି ଗାଁ ପାଖରେ ଥିବା ଏକ ପୋଖରୀରୁ ଉଦ୍ଧାର ହୋଇଛି ମହିଳାଙ୍କ ମୃତଦେହ । ମୃତ ମହିଳା ହେଲେ ଖଇରା ଥାନା କଇଁଥଗଡ଼ିଆ ଗାଁର ବୁଦ୍ଧଦେବ ପାତ୍ରଙ୍କ ସ୍ତ୍ରୀ ଜୟନ୍ତୀ ପାତ୍ର । ମୃତ୍ୟୁ ପୂର୍ବରୁ ନିଜ ଇନଷ୍ଟାଗ୍ରାମରେ କାଲି ମୁଁ ହୁଏତ ନଥିବି, ହେଲେ ସମୟ ବଡ ବଳବାନ ବୋଲି ଲେଖିଥିଲେ ଜୟନ୍ତୀ । ଏବଂ ଏହି ଭିଡିଓ ତାଙ୍କର ଶେଷ ଭିଡିଓ ହୋଇପାରେ ବୋଲି ରିଲ୍ସ ଭିଡିଓ ଛାଡ଼ିଥିଲେ ଜୟନ୍ତୀ । ଅନ୍ୟପଟେ ଜୟନ୍ତୀ ହତ୍ୟା କରାଯାଇଥିବା ଅଭିଯୋଗ ଆଣିଛନ୍ତି ତାଙ୍କ ପରିବାର ଲୋକ । ଟିକଟକ୍ ଭିଡିଓ ଓ ରିଲ୍ସ କରି ବେଶ୍ ଜଣାଶୁଣା ଥିଲେ ଜୟନ୍ତୀ ।