ଆଜି ବିବାହ ବାର୍ଷିକୀ ପାଳନ କରିଥାନ୍ତେ ରାଇମୋହନ

ଭୁବନେଶ୍ବର: ବରିଷ୍ଠ ଅଭିନେତା ରାଇମୋହନ ପରିଡାଙ୍କ ଆତ୍ମହତ୍ୟାକୁ ନେଇ ଲାଗି ରହିଛି ସସପେନ୍ସ । ଆତ୍ମହତ୍ୟା ପଛର କାରଣ କ’ଣ ? ତଦନ୍ତ ପାଇଁ ରାଇଙ୍କ ବାସବଭନରେ ପହଞ୍ଚିଛି ୪ ଜଣିଆ ମହିଳା ପୋଲିସ ଟିମ୍ । ରାଇଙ୍କ ପତ୍ନୀ, ୨ଝିଅ, ଜ୍ବାଇଁ ଓ ସମ୍ପର୍କୀୟଙ୍କୁ ପୋଲିସ ପଚରାଉଚୁରା କରୁଛି । ସେପଟେ ଆଜି ବିବାହ ବାର୍ଷିକୀ ପାଳନ କରିଥାନ୍ତେ ରାଇମୋହନ । ସେଲିବ୍ରେସନ୍ ପାଇଁ ସବୁ ପ୍ରସ୍ତୁତି ସରିଥିଲା, ହେଲେ ସବୁ ଓଲଟପାଲଟ ହେଇଗଲା । ଆଜିର ଦିନରେ ରାଇ-ରଞ୍ଚିତାଙ୍କ ପ୍ରେମ ବିବାହକୁ ମନେ ପକାଇଛନ୍ତି ଆମୋଫୋଇ ସଂସ୍ଥା ମୁଖ୍ୟ ।

କାହିଁକି ଜୀବନ ରଣଭୂମିରେ ହାରିଗଲେ ରାଇମୋହନ ? କାହିଁକି ସୁନା ସଂସାରରୁ ମୋହ ତୁଟାଇଲେ ? ତୋ ବିନା ମୋ କାହାଣୀ ଅଧା କହି ପ୍ରେମ ବିବାହ କରିଥିବା ପତ୍ନୀ ରଞ୍ଜିତାଙ୍କୁ କାହିଁକି ଛାଡି ଚାଲିଗଲେ ? ସତରେ କ’ଣ ରଞ୍ଜିତା ଓ ୨ଝିଅଙ୍କ ପାଇଁ ଶହେ ଜନମ ନେବେ ? ଆଉ କହିବେ ଛାତି ଚିରିଦେଲେ ତୁ… ।

ଫିଲ୍ମ କାହାଣୀ ପରି ଥିଲା କ୍ଲାଇମାକ୍ସ

ଫିଲ୍ମ କାହାଣୀ ଭଳି ଥିଲା ରାଇମୋହନଙ୍କ ଜୀବନର କ୍ଲାଇମାକ୍ସ । ମୃତ୍ୟୁ ପୂର୍ବରୁ ଅଭିନେତା ହର ରଥଙ୍କୁ କହୁଥିଲେ, ଗୋଟେ ବୁଲେଟ୍ ବାଜିଲେ କ’ଣ ଭିଲେନ ରାଇମମୋହନ ମରିଯିବ ? ହେଲେ କିଛି ସେକେଣ୍ଡରେ ଜୀବନ ଚାଲିଗଲା । ଆଉ ଏବେ ରହସ୍ୟ ଘେରରେ ରାଇମୋହନଙ୍କ ସୁଇସାଇଡ୍ ସସପେନ୍ସ । କାହିଁକି ଆତ୍ମହତ୍ୟା କଲେ, କାରଣ ଖୋଜୁଛି ପୋଲିସ । ଆତ୍ମହତ୍ୟା ପଛରେ ପାରିବାରିକ କଳହ ବୋଲି ସନ୍ଦେହ କରାଯାଉଛି । ରାଇମୋହନଙ୍କ ଘର ଉଦୟପୁରରେ ୪ ଜଣିଆ ମହିଳା ପୋଲିସ ଟିମ୍ ପହଞ୍ଚି ତନାଘନା କରିଛି । ତାଙ୍କ ପତ୍ନୀ ଓ ଝିଅଙ୍କୁ ପଚରାଉଚୁରା କରିଛି ।

ରାଇମୋହନଙ୍କ ପ୍ରେମ

ରାଇମୋହନଙ୍କ ମୃତ୍ୟୁ ପରେ ତାଙ୍କର ପ୍ରେମ କାହାଣୀ ସାମ୍ନାକୁ ଆସିଛି । ଚିଠି ଦିଆ ନିଆରୁ, ପ୍ରେମ ଓ ତା’ପରେ ବିବାହ । ଚିଠି ବି ଲେଖୁଥିଲେ ଫିଲ୍ମି ଡାଏଲଗ ପରି । ଲେଖୁଥିଲେ, ରଞ୍ଜୁ ସବୁ ଫିଲ୍ମ ବାଲା ଖରାପ ନୁହଁନ୍ତି । ସମସ୍ତେ କହୁଛନ୍ତି ତୁମକୁ ଗୁଣି କରିଦେଲେ ତମେ କୁଆଡେ ମୋତେ ଆଉ ଚିହ୍ନି ପାରିବନି । ସତରେ ରଞ୍ଜୁ ସେମିତି କରିବନି ସେମିତି ହେଲେ ମୁଁ ମରିଯିବି । ରଞ୍ଜୁ ୱେଡସ ରାଇ… । ଆର୍ ପ୍ଲସ୍ ଆର୍… ।  ୧୯୯୨ ଏପ୍ରିଲ ୪ରେ ରାଇମୋହନ, ରଞ୍ଜିତାଙ୍କୁ ବିବାହ କରିଥିଲେ ।  ୩୦ବର୍ଷ ତଳର ରାଇମୋହନଙ୍କ ପ୍ରେମ ବିବାହକୁ ବଖାଣିଛନ୍ତି ଆମଫୋଇ ସଂସ୍ଥାର ମୁଖ୍ୟ । ପରଦା ଉପରେ ଦୁର୍ଦ୍ଦଶ ଭିଲେନ ରାଇମୋହନ କିନ୍ତୁ ବ୍ୟକ୍ତିଗତ ଜୀବନରେ ଥିଲେ ବେଶ୍ ରୋମାଣ୍ଟିକ । ଆଜି ରାଇଙ୍କ ଘରେ ପାଳନ ହେଇଥାନ୍ତା ବିବାହ ବାର୍ଷିକୀ । ସେଲିବ୍ରେସନ ପ୍ରସ୍ତୁତି ପାଇଁ ମାର୍କେଟ ଯାଇଥିଲେ ପତ୍ନୀ ଓ ଝିଅ । ପାର୍ଟି ପାଇଁ ସପିଂ ବି ହୋଇଥିଲା, କିନ୍ତୁ କେଇ ମୁହୂର୍ତ୍ତରେ ସବୁ ଓଲଟ ପାଲଟ ହୋଇଗଲା । ପ୍ରେମ, ସମ୍ପର୍କକୁ ଭୁଲି ରାଇ ବାଛି ନେଲେ ଶେଷ ରାସ୍ତା । ସେପଟେ ରସୁଲଗଡରେ ରାଇମୋହନ ତିଆରି କରିଥିବା ମନ୍ଦିରରେ ବି ଖେଳିଯାଇଛି ଶୋକର ଛାୟା ।

କାହିଁକି ମୃତ୍ୟୁକୁ କୋଳାଇ ନେଲେ ରାଇ ?

ଓଲିଉଡର ବ୍ୟାଡ୍ ମ୍ୟାନ ରାଇମୋହନ ପରିଡାଙ୍କ ଆତ୍ମହତ୍ୟାକୁ ଅନେକ ଅସମାହିତ ପ୍ରଶ୍ନ ଛିଡ଼ା ହୋଇଛି । କାହିଁକି ଆତ୍ମହତ୍ୟା କଲେ ରାଇମୋହନ ? ପାରିବାରିକ ଆଶାନ୍ତିରୁ ମାନସିକ ଭାବେ ଆଘାତ ପାଉଥିଲେ କି ? ଦୁଇ ଝିଅଙ୍କୁ ନେଇ ମନୋମାଳିନ୍ୟ ଥିଲା କି ? ମୃତ୍ୟୁ ପୂର୍ବରୁ ଘରେ ଝଗଡ଼ା ହୋଇଥିଲା କି ? ଯଦି ଝଗଡା ହୋଇଥିଲା, କେଉଁ କଥାକୁ ନେଇ ବିବାଦ ଥିଲା ? ଝିଅ ଓ ସ୍ତ୍ରୀ ତାଙ୍କୁ ଏକା ଛାଡ଼ି କାହିଁକି ବାହାରକୁ ଯାଇଥିଲେ ? ଘଟଣାର ସବୁ ଦିଗ ନେଇ ତଦନ୍ତ କରୁଛି ପୋଲିସ ।