ଫୋନରେ କଥା ହୋଇ ଡ୍ରାଇଭିଂ କଲେ ରଦ୍ଦ ହେବ ଲାଇସେନ୍ସ
ଭୁବନେଶ୍ୱର: ଅମାନିଆ ସାବଧାନ । ଦୁର୍ଘଟଣା ରୋକିବା ଲାଗି ପୋଲିସକୁ ମିଳିଲା ଅଧିକ କ୍ଷମତା । ଏନେଇ କ୍ରାଇମବ୍ରାଞ୍ଚ ପକ୍ଷରୁ ସବୁ ଜିଲ୍ଲାର ଏସପି ଟ୍ୱିନ୍ ସିଟିର ଡିସିପିଙ୍କୁ ଚିଠି ଲେଖାଯାଇଛି । ହେଲମେଟ୍ ଆଇନ୍ ଅନୁସାରେ ନିୟମ ନ ମାନିଲେ ୩ ମାସ ଲାଗି ଡ୍ରାଇଭିଂ ଲାଇସେନ୍ସ ରଦ୍ଦ ଲାଗି କୁହାଯାଇଛି । ତେବେ, ଆସନ୍ତୁ ଜାଣିବା କେଉଁ କ୍ଷେତ୍ରରେ ରଦ୍ଦ ହୋଇପାରେ ଡିଏଲ୍ ।
୧) ଧାର୍ଯ୍ୟ ଗତିଠାରୁ ଅଧିକ ସ୍ପିଡରେ ଗାଡ଼ି ଚଳାଇବା, ଟ୍ରାଫିକରେ ନାଲିବତି ଡେଇଁବା
୨) ମାଲ ପରିବହନ ଗାଡ଼ିରେ ଓଭରଲୋଡିଂ ଏବଂ ଲୋକଙ୍କୁ ପରିବହନ
୩) ମଦ କିମ୍ବା ଅନ୍ୟ ନିଶାଦ୍ରବ୍ୟ ସେବନ କରି ଗାଡ଼ି ଚଳାଇବା
୪) ଗାଡ଼ି ଚଳାଇବା ବେଳେ ମୋବାଇଲ୍ ଫୋନର ବ୍ୟବହାର କରିବା
୫) ବିନା ହେଲମେଟରେ ଦୁଇ ଚକିଆ ଯାନ ଚଳାଇବା
ଯଦି ଏପରି କରିବା ଆପଣଙ୍କର ପୁରୁଣା ବଦାଭ୍ୟାସ । ତାହାଲେ ସତର୍କ ହୋଇଯାଆନ୍ତୁ । ନଚେତ୍ ପୋଲିସ ଅଫିସର ଆପଣଙ୍କ ଡ୍ରାଇଭିଂ ଲାଇସେନ୍ସ ଜବତ କରି ସ୍ଥାନୀୟ ଆରଟିଓକୁ ପଠାଇବାର ୭ ଦିନ ମଧ୍ୟରେ ଲାଇସେନ୍ସକୁ ଅଚଳ କରି ଦିଆଯିବ ।
