ଉପ-ମୁଖ୍ୟମନ୍ତ୍ରୀ ପଦରୁ ହଟିଲେ ସୁଶୀଲ ମୋଦି: ବିଜେପି ବିଧାୟକ ଦଳ ବୈଠକରେ ବି ଯୋଗଦେଲେନି

ପାଟଣା: ନୀତୀଶ ହେବେ ବିହାର ମୁଖ୍ୟମନ୍ତ୍ରୀ । ଜାତୀୟ ଗଣତାନ୍ତ୍ରିକ ମେଣ୍ଟ(ଏନଡିଏ)ର ବୈଠକରେ ନୀତୀଶଙ୍କ ନାଁରେ ବାଜିଛି ମୋହର । ଏହା ପରେ ନୀତୀଶ ମୁଖ୍ୟମନ୍ତ୍ରୀ ହେବା ନେଇ ସ୍ପଷ୍ଟ ହୋଇଛି । କିନ୍ତୁ ସୁଶୀଲ ମୋଦି ଆଉ ଥରେ ଉପ-ମୁଖ୍ୟମନ୍ତ୍ରୀ ହେବେ ନାହିଁ । ଏ ନେଇ ସେ ନିଜେ ସ୍ପଷ୍ଟ କରିଛନ୍ତି । ଏକ ଟ୍ୱିଟ୍ କରି ଗାଦିଚ୍ୟୁତ ହୋଇଥିବାରୁ ନିଜ ଦୁଃଖ ବଖାଣିଛନ୍ତି ।

          ସୁଶୀଲ ନିଜ ଟ୍ୱିଟର BIOରୁ ବିହାର ଉପ-ମୁଖ୍ୟମନ୍ତ୍ରୀ ପଦକୁ ହଟାଇଦେଇଛନ୍ତି । ଏଥରୁ ସ୍ପଷ୍ଟ ହୋଇଛି ଯେ, ସେ ଆଉ ବିହାର ଉପ-ମୁଖ୍ୟମନ୍ତ୍ରୀ ହେବେନାହିଁ । ବିହାର ରାଜ୍ୟପାଳଙ୍କ ନିକଟକୁ ନୀତୀଶ କୁମାରଙ୍କ ସହ ମିଶି ଇସ୍ତଫା ପତ୍ର ଦେବାକୁ ଯିବା ପୂର୍ବରୁ ହିଁ ଏହାର ଆଭାସ ମିଳିସାରିଥିଲା । ପାଟଣାରେ ରହି ମଧ୍ୟ ବିଜେପି ବିଧାୟକ ଦଳ ବୈଠକରେ ସାମିଲ ହୋଇନଥିଲେ ସୁଶୀଲ ମୋଦି ।

भाजपा एवं संघ परिवार ने मुझे ४० वर्षों के राजनीतिक जीवन में इतना दिया की शायद किसी दूसरे को नहीं मिला होगा।आगे भी जो ज़िम्मेवारी मिलेगी उसका निर्वहन करूँगा।कार्यकर्ता का पद तो कोई छीन नहीं सकता।

— Sushil Kumar Modi (मोदी का परिवार ) (@SushilModi) November 15, 2020

          ପାର୍ଟି ପକ୍ଷରୁ ଏ ନେଇ ସୂଚନା ମିଳିବା ପରେ ସୁଶୀଲ ମୋଦି ଟ୍ୱିଟ୍ କରିଛନ୍ତି କହିଛନ୍ତି ଯେ, ବିଜେପି ଏବଂ ସଂଘ ପରିବାର ତାଙ୍କୁ ୪୦ ବର୍ଷର ରାଜେନୖତିକ ଜୀବନ ମଧ୍ୟରେ ବହୁତ କିଛି ଦେଇଛନ୍ତି । ଯାହା ବୋଧେ ହିଁ କାହାକୁ ମିଳିଥିବ । ଏବେ ମଧ୍ୟ ତାଙ୍କୁ ଯେଉଁ ଦାୟିତ୍ୱ ଦିଆଯିବ ତାକୁ ସେ ପୂର୍ଣ୍ଣ ନିଷ୍ଠାର ସହ ପ୍ରତିପାଦନ କରିବେ । ତାଙ୍କ ଠାରୁ କର୍ମୀ ପଦବୀ କେହିଁ ଛଡ଼ାଇପାରିବେ ନାହିଁ । ତାଙ୍କର ଏହି ଟ୍ୱିଟରୁ ସ୍ପଷ୍ଟ ଯେ, ସେ ଆଉ ଉପ-ମୁଖ୍ୟମନ୍ତ୍ରୀ ହେବେନାହିଁ । ଏଥିସହିତ ଦଳର ଏଭଳି ନିଷ୍ପତ୍ତି ସେ କେଉଁଠି କେଉଁଠି ଅସହମତ ।