ସୁଶାନ୍ତଙ୍କ କେସ୍ ରେ ନୂଆ ମୋଡ୍… ଏକ୍ସ ମ୍ୟାନେଜର ଦିଶାଙ୍କର ସୁରଜଙ୍କ ସହ ଥିଲା ସମ୍ପର୍କ !
ମୁମ୍ବାଇ: ସୁଶାନ୍ତ ସିଂ ରାଜପୁତଙ୍କ ମୃତ୍ୟୁର ଖବର ବଲିଉଡ ସହ ସାରା ବିଶ୍ୱକୁ ଚକିତ କରିଦେଇଛି। ସମସ୍ତଙ୍କ ମନରେ କେବଳ ଗୋଟିଏ ପ୍ରଶ୍ନ ଯେ ସୁଶାନ୍ତ ଆତ୍ମହତ୍ୟା ଭଳି ବଡ ପଦକ୍ଷେପ ନେବା ପଛରେ କାରଣ କ’ଣ ଥିଲା? ଏଭଳି ପରିସ୍ଥିତିରେ ତାଙ୍କ ପ୍ରଶଂସକମାନେ ଚାହୁଁଛନ୍ତି ଯେ ସୁଶାନ୍ତଙ୍କୁ ନ୍ୟାୟ ମିଳୁ। ସେଥିପାଇଁ ଏବେ ସୋସିଆଲ ମିଡିଆରେ ସୁଶାନ୍ତଙ୍କ ପାଇଁ ସିବିଆଇ ତଦନ୍ତ କରାଯିବା ନେଇ ଦାବି କରାଯାଉଛି । ତାଙ୍କ ପରିବାର ଲୋକେ ମଧ୍ୟ ଏଯାଏଁ ଗ୍ରହଣ କରିପାରୁନାହାନ୍ତି ଯେ, ସୁଶାନ୍ତ ତାଙ୍କ ଗହଣରେ ଆଉ ନାହାନ୍ତି ।
ଏଥି ସହିତ ମୁମ୍ବାଇ ପୋଲିସ ମଧ୍ୟ ଏହି ଘଟଣାର ତଦନ୍ତ ଜାରି ରଖିଛି। ଏହି ସମୟ ମଧ୍ୟରେ, ଏପରି ଏକ ଜିନିଷ ପ୍ରକାଶ ପାଇଛି ଯାହା ସମସ୍ତଙ୍କୁ ଆଚମ୍ବିତ କରିଛି । ନିକଟରେ ଇନଷ୍ଟାଗ୍ରାମରେ ସୁଶାନ୍ତଙ୍କର ଏକ ଫ୍ୟାନ୍ ପେଜ୍ ରେ କିଛି ଖୁଲାସା ହୋଇଛି । ଏହି ପୋଷ୍ଟ ଅନୁସାରେ ସୁଶାନ୍ତଙ୍କ ଏକ୍ସ ମ୍ୟାନେଜର ଦିଶା ସଲିଆନ ବଲିଉଡ ଅଭିନେତା ସୁରଜ ପାନଚୋଲିଙ୍କ ସହ ରିଲେସନଶିପ୍ ରେ ଥିଲେ । ଏହି ବିଷୟରେ କେହି ଜାଣି ନ ଥିଲେ। କେବଳ ସେତିକି ନୁହେଁ ଦିଶା ଗର୍ଭବତୀ ମଧ୍ୟ ଥିଲେ । ସେ ସୁରଜଙ୍କ ସନ୍ତାନର ମାଆ ହେବାକୁ ଯାଉଥିଲେ।
କିନ୍ତୁ ସୁରଜ ପୂର୍ବଥର ଭଳି ଏଥର ମଧ୍ୟ ପ୍ରସ୍ତୁତ ନଥିଲେ ଏବଂ ଦିଶାଙ୍କୁ ପିଲା ନଷ୍ଟ କରିବାକୁ କହିଥିଲେ। ହେଲେ ଦିଶା ପିଲା ନଷ୍ଟ କରିବାକୁ ଚାହୁଁନଥିଲେ । ସେଥିପାଇଁ ସେ ଜୀବନ ହରାଇବା ପାଇଁ ନିଷ୍ପତ୍ତି ନେଇ ଆତ୍ମହତ୍ୟା କରିଥିଲେ । ଅପରପକ୍ଷରେ ସୁଶାନ୍ତ ଏହି ସବୁ ବିଷୟରେ ଅବଗତ ଥିଲେ ଏବଂ ସେ ସବୁ ପରିସ୍ଥିତିରେ ସୁରଜ ପାଞ୍ଚୋଲିଙ୍କଠାରୁ ଦିଶାଙ୍କୁ ରକ୍ଷା କରିବାକୁ ଚାହୁଁଥିଲେ । କିନ୍ତୁ ଦୁଃଖର ବିଷୟ ଏହା ଯେ, ସୁଶାନ୍ତ ଦିଶାଙ୍କୁ ବଞ୍ଚାଇପାରିନଥିଲେ । ତେବେ ଯଦି ଏହି ସବୁ ତଥ୍ୟ ସତ, ତାହେଲେ ବଲିଉଡର ଅନେକ ବଡ ନାଁର ରାଜ ସାମ୍ନାକୁ ଆସିବା ଜରୁରୀ ଓ ସମସ୍ତଙ୍କୁ ନ୍ୟାୟ ମିଳିବା ଆବଶ୍ୟକ ।
