ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ହତ୍ୟା ନା ଆତ୍ମହତ୍ୟା ? ଆଜି ଆସିବ ଭିସେରା ରିପୋର୍ଟ

ମୁମ୍ବାଇ: ବଲିଉଡ୍ ଅଭିନେତା ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ରହସ୍ୟ ଉପରୁ ଆଜି ଉଠିବ ପରଦା । ଶୀଘ୍ର ଏମ୍ସର ଫରେନ୍ସିକ ଟିମ୍ ଅଭିନେତା ସୁଶାନ୍ତଙ୍କ ମୃତ୍ୟୁର କାରଣ ଖୁଲାସା କରିବେ । ଆଜି ସୁଶାନ୍ତ ସିଂହ ରାଜପୁତଙ୍କ ଭିସେରା ରିପୋର୍ଟ ଆସିବ । ଭିସେରା ରିପୋର୍ଟ ଆସିବା ପରେ ଏମ୍ସ ଡାକ୍ତର ପ୍ୟାନେଲ ସୁଶାନ୍ତଙ୍କ ମୃତ୍ୟୁ ନେଇ ଶେଷ ବୈଠକ କରିବେ । ଏହି ବୈଠକରେ ସୁଶାନ୍ତଙ୍କ ଭିସେରା ଓ ପୋଷ୍ଟମର୍ଟମ ରିପୋର୍ଟ ଉପରେ ଆଲୋଚନା କରାଯିବ ।

ଭିସେରା ରିପୋର୍ଟରୁ ଜଣାପଡ଼ିବ ସୁଶାନ୍ତଙ୍କୁ ବିଷ ଦିଆ ଯାଇଥିଲା କି ? ଏହା ପୂର୍ବରୁ କଲିନା ଫରେନ୍ସିକ ଭିସେରା ରିପୋର୍ଟକୁ ନେଗେଟିଭ୍ ଦର୍ଶାଇଥିଲା । ତେବେ, ଦ୍ୱିତୀୟ ଥର ଆସିବାକୁ ଥିବା ରିପୋର୍ଟ ସୁଶାନ୍ତଙ୍କ ୨୦ ପ୍ରତିଶତ ଭିସେରା ଯାଞ୍ଚ ପରେ ପ୍ରସ୍ତୁତ କରାଯାଇଛି । କାରଣ ମୁମ୍ବାଇ ପୋଲିସ ସୁସାନ୍ତଙ୍କ ୮୦ ପ୍ରତିଶତ ଭିସେରା ଯାଞ୍ଚ ବେଳେ ବ୍ୟବହାର କରିଥିଲା ।

ଏହି ରିପୋର୍ଟରୁ ଜଣାପଡ଼ିବ ସୁଶାନ୍ତଙ୍କ ଶରୀରରେ କେଉଁ ପ୍ରକାର ବିଷାକ୍ତ ପଦାର୍ଥ ମହଯୁଦ୍ ଥିଲା କି ନାହିଁ । ଭିସେରା ରିପୋର୍ଟ ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁର ସମୟ ବି ବତାଇବ । ସୁଶାନ୍ତଙ୍କ ମାମଲାର ଯାଞ୍ଚ ଏନସିବି, ଇଡି, ସିବିଆଇ କରୁଛନ୍ତି । ତେବେ ଏବେ ଯାଏଁ ସୁଶାନ୍ତଙ୍କ ମୃତ୍ୟୁର କାରଣ କଣ କେହି ଖୁଲାସା କରିପାରି ନାହାଁନ୍ତି । ଏବେ ଭିସେରା ରିପୋର୍ଟରୁ କିଛି ବଡ଼ ଖୁଲାସା ନେଇ ସମସ୍ତେ ଆଶାବାଦୀ ଅଛନ୍ତି ।

ସୁଶାନ୍ତଙ୍କ ପରିବାରର ଅଭିଯୋଗ ସେ ଆତ୍ମହତ୍ୟା କରିନଥିବେ । ତାଙ୍କୁ ଲାଗୁଛି ସୁଶାନ୍ତଙ୍କୁ ହତ୍ୟା କରାଯାଇଛି । ଏପରିକି ଏକ ଭିଡିଓରେ ସୁଶାନ୍ତଙ୍କ ବାପା ପୁଅର ମୃତ୍ୟୁ ପାଇଁ ରିୟା ଚକ୍ରବର୍ତ୍ତୀଙ୍କୁ ଦାୟୀ କରିଥିଲେ । କହିଥିଲେ- ରିୟା ତାଙ୍କ ପୁଅକୁ ମାରି ଦେଇଛି । ରିୟାଙ୍କୁ ସୁଶାନ୍ତଙ୍କ ପରିବାର ମାମଲାର ମୁଖ୍ୟ ଅଭିଯୁକ୍ତ କହିଥିଲେ ।