Sushant Singh Rajput Case: ରିୟାଙ୍କ ପାଇଁ ସିବିଆଇ ପାଖରେ ଅଛି ୧୯ ପ୍ରଶ୍ନ, ଜାଣନ୍ତୁ କ’ଣ ପଚାରିବ ସିବିଆଇ ?

ମୁମ୍ବାଇ: ସୁଶାନ୍ତଙ୍କ ମୃତ୍ୟୁ ମାମଲା ଜାରି ରହିଛି । ଦିନକୁ ଦିନ ଆସୁଛି ଗୋଟିଏ ପରେ ଗୋଟିଏ ଖବର । ଗୋଟିଏ ପକ୍ଷରେ ସିବିଆଇ ତଦନ୍ତ ଆରମ୍ଭ ହେବା ସହ ଖୁବଶୀଘ୍ର ସୁଶାନ୍ତଙ୍କ ମୃତ୍ୟୁ ମାମଲାର ପର୍ଦ୍ଦାଫାଶ ହେବ ବୋଲି ଆଶା ବାନ୍ଧିଛନ୍ତି  ପ୍ରଶଂସକ । ସିବିଆଇ ପ୍ରତ୍ୟେକ ଦିଗରୁ ଛାନଭିନ କରୁଛି । ନିକଟରେ ସୁଶାନ୍ତଙ୍କ ଫ୍ଲାଟରେ ସୁଶାନ୍ତଙ୍କ ମୃତ୍ୟୁ ଦୃଶ୍ୟକୁ ରିକ୍ରିଏଟ କରିଛି ସିବିଆଇ । ଏହି ସମୟରେ ଏକ ଡମିର ବ୍ୟବହାର କରାଯାଇଥିଲା । ଏହି ଦୃଶ୍ୟ ପରେ ସିବିଆଇ ଯାହା ଅବଲୋକନ କରିଛି ତାହାର ଖୁଲାସା ହୋଇଛି ।

ଅନ୍ୟ ପକ୍ଷରେ ସିବିଆଇ ସୋମବାରକୁ ଘରର ଷ୍ଟାଫ ମାନଙ୍କୁ ପଚରା ଉଚରା କରୁଛି । ତିନିଜଣ ଷ୍ଟାଫ ସୁଶାନ୍ତଙ୍କ ମୃତ୍ୟୁ ଦିନ ଘରେ ଉପସ୍ଥିତ ଥିଲେ । ଏହା ବ୍ୟତୀତ ରିୟାଙ୍କୁ ପଚରା ଉଚରା କରିବ ସିବିଆଇ । ତାଙ୍କୁ ସିବିଆଇ ଆଜି ସମନ ପଠାଇପାରେ ବୋଲି କୁହାଯାଉଥିବା ବେଳେ ସୁଶାନ୍ତଙ୍କ ପିତାଙ୍କ ଓକିଲ ଦାବି କରିଛନ୍ତି ଯେ, ରିୟାଙ୍କୁ ସମନ ପଠା ସରିଲାଣି। ଏଣେ ରିୟାଙ୍କ ପାଇଁ ପ୍ରଶ୍ନ ପ୍ରସ୍ତୁତ କରି ସାରିଛି ସିବିଆଇ । ତେବେ କ’ଣ ସେହି ସମସ୍ତ ପ୍ରଶ୍ନ ଆସନ୍ତୁ ଆଲୋଚନା କରିବା ।

ରିୟାଙ୍କୁ ଏହି ସବୁ ପ୍ରଶ୍ନ କରିପାରେ CBI

୧. ସୁଶାନ୍ତଙ୍କ ସହିତ କେଉଁଭଳି ସମ୍ପର୍କ ଥିଲା
୨. କ’ଣ ସୁଶାନ୍ତ ଡିପ୍ରେସନରେ ଥିଲେ?
୩. ୮ ଜୁନ ଦିନ ସୁଶାନ୍ତଙ୍କ ଘର ଛାଡ଼ି କାହିଁକି ସେ ଚାଲି ଯାଇଥିଲେ?
୪. କ’ଣ ସୁଶାନ୍ତଙ୍କ ସହିତ ଝଗଡ଼ା ହୋଇଥିଲା ?
୫. ଘରୁ ଯିବାପରେ ସୁଶଣାନ୍ତଙ୍କ ସହିତ କଥାବାର୍ତ୍ତା ହୋଇଥିଲେ କି?
୬. ଶେଷ ଥର ପାଇଁ ସୁଶାନ୍ତଙ୍କୁ କେବେ ଫୋନ କରିଥିଲେ?
୭. ସୁଶାନ୍ତଙ୍କ ଆକାଉଣ୍ଟରୁ ଟଙ୍କା କେଉଁଆଡ଼େ ଗଲା?
୮. କ’ଣ ଦୁଇଜଣ ବିବାହ କରିଥାନ୍ତେ?
୯. ସୁଶାନ୍ତଙ୍କ ପରିବାର ସହିତ କିଭଳି ସମ୍ପର୍କ ଥିଲା?
୧୦. ଇଉରୋପ ଟ୍ରିପରେ କ’ଣ ହୋଇଥିଲା?
୧୧. ଇଉରୋପ ଟୁରରେ ସୌଭିକ କାହିଁକି ଯାଇଥିଲା?
୧୨. କ’ଣ ଇଉରୋପ ଟୁରରେ ସୁଶାନ୍ତଙ୍କ ବ୍ୟତୀତ ଅନ୍ୟ କାହା ସହିତ ସାକ୍ଷାତ ହୋଇଥିଲା? ସେମାନେ କିଏ ଥିଲେ? କେଉଁ ବାର୍ତ୍ତାଳପ ହୋଇଥିଲା? କାହିଁକି ସାକ୍ଷାତ ହୋଇଥିଲା?
୧୩. ସୁଶାନ୍ତଙ୍କୁ କେତେ ଜଣ ଡାକ୍ତରଙ୍କୁ ଦେଖାଇଛନ୍ତି? ଏତେ ଡାକ୍ତର କାହିଁକି ବଦଳାଇଲେ? କିଛି ଖାସ କାରଣ?
୧୪. ଓ୍ୱାଟର ଷ୍ଟୋନ ରିସର୍ଟର ପୂରା କାହାଣୀ? କେଉଁ ରୁମ ବୁକ ରହୁଥିଲା? କିଏ ଏହି ରୁମକୁ ଯିବା ଆସିବା କରୁଥିଲା?
୧୫. ଯଦି ସୁଶାନ୍ତ ଅସୁସ୍ଥ ଥିଲେ, ତେବେ ନୂଆ କମ୍ପାନୀ କାହିଁକି ପ୍ରତିଷ୍ଠା କରାଗଲା? ଏହି କମ୍ପାନୀର ଠିକଣା ନବି ମୁମ୍ବାଇ ରଖାଯିବାର କାରଣ?
୧୬. କାହିଁକି ଆପଣଙ୍କ ଭାଇ,ବାପା ସମସ୍ତେ ଏହି କମ୍ପାନୀର ଭାଗୀଦାର ଥିଲେ? କିଛି ଖାସ କାରଣ?
୧୭. କ’ଣ ସୁଶାନ୍ତ କେବେ କିଛି ଉଇଲ ପ୍ରସ୍ତୁତ କରିଥିଲେ ?
୧୮. ୮ ଜୁନରେ ସୁଶାନ୍ତଙ୍କୁ ଛାଡ଼ି ଯିବା ପରେ କାହିଁକି କଲ କଲେ ନାହିଁ? କଲ ଆଉ ମେସେଜର ଉତ୍ତର କାହିଁକି ଦେଲେ ନାହିଁ?
୧୯. ମହେଶ ଭଟ୍ଟଙ୍କ ସହିତ ଏତେ କଥାବାର୍ତ୍ତା ହେବାର ଖାସ କାରଣ? କ’ଣ ନିଜ ଜୀବନ ସହିତ ଜଡ଼ିତ ସବୁ କଥାରେ ତାଙ୍କ ପରାମର୍ଶ ନେଉଥିଲେ ନା କେବଳ ସୁଶାନ୍ତଙ୍କ ମାମଲାରେ?