ସୁଶାନ୍ତଙ୍କ ଆତ୍ମହତ୍ୟା ପୂର୍ବରୁ ୱିକିପିଡିଆରେ ତଥ୍ୟ ହୋଇଥିଲା ଅପଡେଟ୍ ! କିଏ କରିଥିଲା ?

2 min read

ମୁମ୍ବାଇ: ବଲିଉଡ ଷ୍ଟାର ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ଏକ ହତ୍ୟା ନା ଆତ୍ମହତ୍ୟା ତା ଉପରୁ ପରଦା ହଟିପାରିନି । ଏବେ ବି ତଦନ୍ତ ଚାଲିଥିବାବେଳେ ଏଥିରେ ଆସିଛି ଏକ ଟ୍ବିଷ୍ଟ । ଏମିତି କିଛି ତଥ୍ୟ ଯାହା ଆପଣଙ୍କୁ ଚମକାଇଦେବ । ୱିକିପିଡିଆର ଅପଡ଼େଟ୍ ହିଷ୍ଟ୍ରି କହୁଛି ସୁଶାନ୍ତଙ୍କ ଆତ୍ମହତ୍ୟା ଖବର ଆସିବା ଆଗରୁ ତାହା ୱିକିପିଡିଆରେ ଅପଡ଼େଟ୍ ହୋଇଯାଇଥିଲା ।

ସକାଳ ୮ଟା ୫୯ମିନିଟରେ ସୁଶାନ୍ତଙ୍କ ଆତ୍ମହତ୍ୟା ଖବର ୱିକିପିଡିଆରେ ଅପଡେଟ୍ ହୋଇଯାଇଥିଲା । କିନ୍ତୁ ମୁମ୍ବାଇ ପୋଲିସ ତଥ୍ୟ କହୁଛି, ସକାଳ ୯ଟା ୩୦ମିନିଟରେ ସୁଶାନ୍ତ ଜୁସ୍ ପିଇଲେ ଏବଂ ୧୦ଟାରେ ରୁମକୁ ଗଲେ । ଏହାର କିଛି ସମୟ ପରେ ଆସିଥିଲା ସୁଶାନ୍ତଙ୍କ ମୃତ୍ୟୁ ଖବର ।

ତେବେ କିପରି ଆତ୍ମହତ୍ୟା ପୂର୍ବରୁ ୱିକିପିଡିଆରେ ତଥ୍ୟ ଅପଡେଟ ହେଲା ତାକୁ ନେଇ ପ୍ରଶ୍ନ ଉଠିଛି । ଏ ସମସ୍ତ ଦିଗ ପୁଣିଥରେ ସୁଶାନ୍ତଙ୍କ ରହସ୍ୟଜନକ ମୃତ୍ୟୁ ଉପରକୁ ଅଙ୍ଗୁଳି ନିର୍ଦ୍ଦେଶ କରିଛି ।

ସୂଚନାଯୋଗ୍ୟ ଯେ, ସୁଶାନ୍ତଙ୍କ ଆତ୍ମହତ୍ୟାକୁ ତାଙ୍କ ପ୍ରଶଂସକ ଓ ପରିବାର ଲୋକ ସହଜରେ ଗ୍ରହଣ କରିବାକୁ ପ୍ରସ୍ତୁତ ନୁହନ୍ତି । ଅଭିନେତା ଶେଖର ସୁମନ ଓ କଙ୍ଗନା ରଣାୱତ ଏହାର ତଦନ୍ତ ଦାବି କରୁଛନ୍ତି । କଙ୍ଗନାଙ୍କ କହିବା ହେଉଛି ସୁଶାନ୍ତଙ୍କୁ ଆତ୍ମହତ୍ୟା କରିବାକୁ ବାଧ୍ୟ କରାଯାଇଥିଲା । ଏଣେ ବିହାରର କିଛି ସଂଗଠନ ଏହାର ସିବିଆଇ ତଦନ୍ତ ଦାବି କରୁଛନ୍ତି ।

ଅନେକ ସୋସିଆଲ ମିଡିଆ ପ୍ଲାଟଫର୍ମରେ #JusticeForSushantSinghRajput ଏବଂ #CBIForSushantSinghRajput ହାସଟ୍ୟାଗ ଟ୍ରେଣ୍ଡ କରୁଛି । ଲୋକମାନେ ସୁଶାନ୍ତଙ୍କ ଆତ୍ମହତ୍ୟାକୁ ଗ୍ରହଣ କରିପାରୁନାହାନ୍ତି ଏବଂ ତାଙ୍କ ମୃତ୍ୟୁର CBI ଯାଞ୍ଚ ଦାବି କରୁଛନ୍ତି ।

Leave a Reply