ଲକଡାଉନ୍ ସୁଶାନ୍ତଙ୍କ ଜୀବନକୁ କରିଥିଲା ପ୍ରଭାବିତ ! ଅଭିନୟ ଛାଡ଼ି କରିବାକୁ ଚାହୁଁଥିଲେ ଚାଷ …

ନୂଆଦିଲ୍ଲୀ: ସୁଶାନ୍ତ ସିଂହ ରାଜପୁତଙ୍କୁ ନେଇ ଏକ ଖବର ଏହା ମଧ୍ୟ ଆସୁଛି ଯେ, ସେ ତାଙ୍କ ମହିଳା ବନ୍ଧୁ ରିୟା ଚକ୍ରବର୍ତ୍ତୀଙ୍କ ସହ ଏକ ଫିଲ୍ମ କରିବାକୁ ଯାଉଥିଲେ । କୁହାଯାଉଛି ୟେ ସୁଶାନ୍ତ ସିଂହ ରାଜପୁତ ଏବଂ ରିୟା ଚକ୍ରବର୍ତ୍ତୀଙ୍କ ଏହି ଫିଲ୍ମକୁ ରୁମୀ ଜାକରୀ ପ୍ରସ୍ତୁତ କରିବାକୁ ଯାଉଥିଲେ ଏବଂ ଏହାର ସ୍କ୍ରିପ୍ଟିଂ ମଧ୍ୟ ଶେଷ ହୋଇଯାଇଥିଲା । କରୋନା ଭାଇରସ ଲକଡାଉନ ପାଇଁ ଫିଲ୍ମର ସୁଟିଂ ନଭେମ୍ବରରେ ଆରମ୍ଭ ହେବାକୁ ଥିଲା । କିନ୍ତୁ ରୁମୀ ଜାକରୀଙ୍କ ସୂଚନା ଅନୁଯାୟୀ ସୁଶାନ୍ତ ସିଂହ ରାଜପୁତ ଫିଲ୍ମ ଜଗତକୁ ଛାଡ଼ିବାକୁ ଚାହୁଁଥିଲେ ।

ସ୍ପଟବୟର ରିପୋର୍ଟ ମୁତାବକ, ରୁମୀ ଜାକରୀ ମିଡିଆ ସହ ଆଲୋଚନା କରିବା ବେଳେ କହିଛନ୍ତି ଯେ, ଲକଡାଉନ ସୁଶାନ୍ତ ସିୁଂହ ରାଜପୁତଙ୍କୁ ବହୁତ ପ୍ରଭାବିତ କରୁଥିଲା । ସେ ଦୀର୍ଘ ଛଅ ମାସ ଧରି ଡିପ୍ରେସନର ଚିକିତ୍ସା କରାଉଥିଲେ । ସେ ଫିଲ୍ମ ଜଗତ ଛାଡ଼ିବାକୁ ଚାହୁଥିଲେ । ଏହାର କୌଣସି କାରଣ ଅବଶ୍ୟ ସେ ଜଣାଇନଥିଲେ କିନ୍ତୁ ସେ ଆକ୍ଟିଂ ଛାଡ଼ି ଚାଷ କରିବାକୁ ଚାହୁଁଥିଲେ । ସେ କହିଥିଲେ ଯେ, ‘ ମୁଁ ଦେଶବ୍ୟାପୀ ଏକ ଲକ୍ଷ ଗଛ ଲଗାଇବାକୁ ଚାହୁଁଛି ଏବଂ ବୈଜ୍ଞାନିକଙ୍କ ପରି ନୂଆ ନୂଆ ଆବିଷ୍କାର କରିବାକୁ ଚାହୁଁଛି ।’

ଜଣାଇ ରଖୁଛୁ ଯେ, ସୁଶାନ୍ତ ସିଂହ ରାଜପୁତଙ୍କୁ ବାନ୍ଦ୍ରା ସ୍ଥିତ ବାସଭବନରୁ ମୃତ ଅବସ୍ଥାରେ ଉଦ୍ଧାର କରାଯାଇଥିଲା । ସୁଶାନ୍ତଙ୍କ ୩୪ ବର୍ଷ ହୋଇଥିଲା ଏବଂ ଟେଲିଭିଜନ ଜଗତରେ ବହୁ ଲୋକପ୍ରିୟତା ହାସଲ କରିସାରିବା ପରେ ସେ ଫିଲ୍ମ ଜଗତରେ ପାଦ ଥାପିଥିଲେ । ସେ ବଲିଉଡରେ ‘କାଇ ପୋ ଛେ’, ‘ବ୍ୟୋମକେଶ ବଖସୀ’, ‘ଏମଏସ ଧୋନୀ- ଦ ଅନଟୋଲ୍ଡ ଷ୍ଟୋରୀ’, ‘ଛିଛୋରେ’ ଭଳି ଅନେକ ଚଳଚିତ୍ରରେ ନିଜର ନିଖୁଣ ଅଭିନୟର ପରିଚୟ ଦେଇଛନ୍ତି ।