ରାକ୍ଷୀ ପୂର୍ଣ୍ଣିମାରେ ଭାବ ବିହ୍ୱଳ ହୋଇ ମୃତ ଭାଇ ସୁଶାନ୍ତଙ୍କୁ ମନେ ପକାଇଲେ ଭଉଣୀ ନୀତୁ
1 min read
ଆଜି ସାରା ଦେଶ ରାକ୍ଷୀ ପୂର୍ଣ୍ଣିମାକୁ ନେଇ ଉତ୍ସବ ମୁଖର ଥିବା ବେଳେ ଭାଇ ସୁଶାନ୍ତ ସିଂ ରାଜପୂତଙ୍କୁ ମନେ ପକେଇଛନ୍ତି ଭଉଣୀ ନୀତୁ । ତାଙ୍କର ସେ ଭାବ ବିହ୍ୱଳ ଶବ୍ଦକୁ ପଢିବା ପରେ କେହି ମଧ୍ୟ ଲୁହକୁ ଅଟକେଇ ପାରିବେନି । ନୀତୁ ସୋସିଆଲ ମିଡିଆରେ ଏକ ପୋଷ୍ଟ ଶେୟାର କରି ଲେଖିଛନ୍ତି, “ଆଜି ତୋର ଦିନ, ଆଜି ଆମର ଦିନ, ଆଜି ରାକ୍ଷୀ ପୂର୍ଣ୍ଣିମା । ୩୫ ବର୍ଷ ପରେ ଆଜି ଏହା ପ୍ରଥମ ଥର । ପୂଜା ଥାଳି ସଜେଇ ହୋଇଛି, ଦୀପର ଆଳତୀ ମଧ୍ୟ ଜଳୁଛି, ଆଜି ସେ ଚେହେରା ନାହିଁ ଯାହାର ଆଳତୀ କରିପାରିବି । ସେ ହାତ ନାହିଁ ଯାହାକୁ ମୁଁ ରାକ୍ଷୀ ବାନ୍ଧି ପାରିବି । ସେ ମୁହଁ ନାହିଁ ଯାହାକୁ ମିଠା ଖୁଆଇ ପାରିବି । ସେ ମଥା ନାହିଁ ଯାହାକୁ ଚୁମ୍ବନ ଦେଇ ପାରିବି । ସେ ଭାଇ ନାହିଁ ଯାହାକୁ କୁଣ୍ଢେଇ ପାରିବି । ଯେତେବେଳ ତୁ ଆମ ଜୀବନରେ ଆସିଥିଲୁ ଆମ ଜୀବନ ଚମକି ଉଠିଥିଲା । ଜୀବନ ଉଜ୍ୱଳମୟ ଥିଲା । ଏବେ ଯେବେ ତୁ ନାହୁଁ ତ ବୁଝି ପାରୁନି କ’ଣ କରିବି । ତୋ ବିନା ମୁଁ ବଂଚିବା ଜାଣିନି । କେବେ ଭାବି ନଥିଲି ଦିନେ ଏମିତି ବି ହେବ, ଏ ଦିନ ଥିବ ଆଉ ତୁ ନଥିବୁ । ଯଥେଷ୍ଟ ସମୟ ଆମେ ଏକା ସାଙ୍ଗରେ ବିତେଇଛେ । ତୋ ବିନା ବଂଚିବା ମୁଁ କେମିତି ଶିଖିବି? ତୁ କହ । ତୋ ରାନୀ ଦିଦି” ।
ରକ୍ଷା ବନ୍ଧନର ଦିନେ ପୂର୍ବରୁ ଆମେରିକାରେ ଥିବା ସୁଶାନ୍ତଙ୍କ ଭଉଣୀ ଶ୍ୱେତା ସିଂ କୀର୍ତ୍ତି ତାଙ୍କ ଭାଇଙ୍କ ମୃତ୍ୟୁରେ ନ୍ୟାୟ ମିଳୁ ବୋଲି ସୋସିଆଲ ମିଡିଆରେ ଲେଖିଛନ୍ତି ।
