ସୁଶାନ୍ତ। ତାଙ୍କ ବାପାଙ୍କ ବାବଦରେ କଣ ଏମିତି କହିଲେ ଯେ ଲୋକେ ତାଳି ମାରିବା ବନ୍ଦ କଲେନି?

ମୁମ୍ୱାଇ: ଜୁନ ମାସ ୧୪ ତାରିଖରେ ସୁଶାନ୍ତ ସିଂହ ରାଜପୁତ ଆତ୍ମହତ୍ୟା କରିଥିଲେ । ତାଙ୍କର ଏହି ନିଷ୍ପତ୍ତି ଇଣ୍ଡଷ୍ଟ୍ରି ସହ ପ୍ରଶଂସକଙ୍କ ମଧ୍ୟରେ  ହଇଚଇ ସୃଷ୍ଟି କରିଥିଲା । ତାଙ୍କ ମୃତ୍ୟୁକୁ ୧୩ ଦିନ ବିତିଗଲାଣି, କିନ୍ତୁ ଅନେକ ଲୋକେ ଏଯାଏଁ ଏଥିରୁ ବାହାରିପାରିନାହାନ୍ତି । ତାଙ୍କ ମୃତ୍ୟୁ ପରେ ସୁଶାନ୍ତଙ୍କର ଅନେକ ଭିଡିଓ ଏବଂ ଫଟୋ ସୋସିଆଲ ମିଡିଆରେ ସେୟାର କରାଯାଉଛି । ନିକଟରେ ସୁଶାନ୍ତଙ୍କର ଏକ ଥ୍ରୋବ୍ୟାକ୍ ଭିଡିଓ ଭାଇରାଲ୍ ହେଉଛି ଯେଉଁଥିରେ ସେ ତାଙ୍କ ପିତାଙ୍କଠାରୁ ପାଇଥିବା ଶିକ୍ଷା ବିଷୟରେ କଥାବାର୍ତ୍ତା ହେଉଥିବା ଦେଖିବାକୁ ମିଳିଛି । ଏହି ଭିଡିଓଟି ୨୦୧୮ ମସିହାର ।

ଫିଲ୍ମ କେଦାରନାଥର ପ୍ରମୋସନ ସମୟରେ ସାରା ଅଲ୍ଲୀ ଖାନ ଓ ସୁଶାନ୍ତ ଏକ ରିୟାଲିଟି ଶୋ’କୁ ଯାଇଥିଲେ । ରିୟାଲିଟି ଶୋ’ ସେଟ୍ ରେ ସୁଶାନ୍ତଙ୍କୁ ପଚାରାଯାଇଥିଲା ଯେ, ସେ ତାଙ୍କ ବାପାଙ୍କଠୁ କଣ ଶିଖିଛନ୍ତି ।  ତେବେ ଏନେଇ ସୁଶାନ୍ତ କହିଥିଲେ ଯେ, ସେ ତାଙ୍କ ବାପାଙ୍କଠାରୁ ବହୁତ ଭଲ ଜିନିଷ ଶିଖିଛନ୍ତି ।  ସେ ତାଙ୍କର ଏହି ଶିକ୍ଷାକୁ କମ ଶବ୍ଦରେ ପ୍ରକାଶ କରିଥିଲେ । ସେ ନିଜ ମାଆଙ୍କଠାରୁ ବହୁତ କିଛି ଶିଖିଛନ୍ତି ହେଲେ ସେ ବହୁତ କିଛି ଶିଖିପାରିବେ ତାହା ସେ ନିଜ ବାପାଙ୍କଠାରୁ ଶିଖିଥିଲେ । ତାଙ୍କର ଏହି ଜବାବ ଶୁଣିବା ପରେ ସୁଶାନ୍ତ ସିଂହଙ୍କ ପ୍ରଶଂସକ ତାଳି ମାରିଥିଲେ ।

https://www.instagram.com/p/CBw8owKB3iH/?utm_source=ig_embed

ସୁଶାନ୍ତ ସିଂହଙ୍କ ଶେଷ ଫିଲ୍ମ ନେଇ ନିକଟରେ ଏକ ମହତ୍ତ୍ୱପୂର୍ଣ୍ଣ ଅପଡେଟ୍ ଆସିଛି । ସୁଶାନ୍ତଙ୍କ ଫ୍ୟାନ୍ସ ତାଙ୍କ ଶେଷ ଫିଲ୍ମ ଫିଲ୍ମହଲରେ ଦେଖିବାକୁ ଚାହୁଁଥିଲେ । ହେଲେ ତାଙ୍କ ଫିଲ୍ମ ଦିଲ ବେଚାରାକୁ ଓଟିଟି ପ୍ଲାଟଫର୍ମରେ ରିଲିଜ କରାଯାଉଛି । ଫିଲ୍ମ ଦିଲ ବେଚାରା ହଲିଉଡ ଫିଲ୍ମ The Fault in our Stars ର ରିମେକ୍  । ଏହି ଫିଲ୍ମରେ ସୁଶାନ୍ତଙ୍କ ବିପକ୍ଷରେ ସଞ୍ଜନା ସାଂଘିଙ୍କୁ କାଷ୍ଟ କରାଯାଇଛି । ଏହି ଫିଲ୍ମରେ ଅଭିନୟ କରି ସଞ୍ଜନା ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି । ଏହି ଫିଲ୍ମର ନିର୍ଦ୍ଦେଶକ ହେଉଛନ୍ତି ମୁକେଶ ଛାବଡା ।